Archive for the ‘Managaitz’ Category

Ernia, Managaitz eta No Retorno taldeak Arranon

osteguna, 22 urria, 2015

Ostiral honetan, Urriaren 23an, 3 talde Zarauztarren kontzertua edukiko dugu Zarauzko Arrano Tabernan. Bertan, Managaitz, Ernia eta No Retorno taldeak izango ditugu gaueko 23:00etatik aurrera.

managaitz ernia noretorno txuribeltz

Managaitz eta Rvivir taldeak Trintxerpeko Moganbo Aretoan

asteazkena, 7 urria, 2015

Trintxerpeko Moganbo Aretoak ateak zabaldu berri ditu aurtengo denboraldirako eta ostegunean, Urriaren 8an, hardcore kontzertu itzel bat edukiko dugu. Oholtzara igotzen lehen taldea Zarauzko Managaitz izango da eta hauen ostean, Estatu Batuetatik biran datozen Rvivir taldea izango dugu. Kontzertua 20:30etan hasiko da.

rvivr_mana


Zumaian izango gara Managaitzekin

asteazkena, 12 abuztua, 2015

Ostiral honetan, abuztuaren 14ean Zumaiako Gaztetxean egongo gara Managaitz taldearekin. Gaueko 22:00etan hasiko den kontzertuan, Teen Wolf, The Capaces, Arritzak eta Uralita taldeekin batera egongo gara.

IMG-20150812-WA0005

Managaitz taldeak Intxaurrondon joko du

asteazkena, 13 maiatza, 2015

Larunbat honetan, Maiatzaren 16an, espetxeen aurkako kontzertu itzel bat antolatu dute Intxaurrondoko Letaman Gaztetxean eta bertan Zarauzko Managaitz taldea ere egongo da. Gaueko 21:00etan hasiko den kontzertu honetan, Ed Warner, Machete, Hondartzako Hondakinak, Fly Shit eta Hell Division taldeak ere edukiko ditugu.

intxaurrondo

Managaitz, Ernia eta Hilkar Bergarako Tapoi Fest jaialdian

asteazkena, 25 otsaila, 2015

Astebukaera nahiko potentea dator Bergara aldetik, bertako Gaztetxean, 4. Tapoi Fest jaialdia ospatuko da eta. Eta aurten ere ez dira Zarauzko taldeak faltako.

Otsailaren 27an, ostiralean, Ernia eta Hilkar zarauztar taldeez aparte, Hernanialdeko Meltdown eta Bergarako Drop! taldeak edukiko ditugu.

Larunbatean berriz, otsailaren 28an, Managaitz eta Sofa izango dira zarauzko errepresentazioa. Eta beraiekin batera, Madrilgo Accidente eta Perras Salvajes taldeak jardungo dute.

tapoi_copy3

Managaitzen CD berria kalean da

ostirala, 30 urtarrila, 2015

9 abestiz beteriko CD berria kaleratu berri du Managaitz taldeak. Aurreko urtean 4 kantuz osaturiko 7 hatzbeteko bat kaleratu bazuten ere, oraindik gordeta zeuden beste 5 abestirekin CD hau osatu dute.

azala definitibo copia

Diska jeitsi nahi baduzue, HEMEN duzue. Baina gogoratu taldeak emango dituen kontzertuetan ere eskuragarri izango duzuela. Hortaz gain, Zarauzko Arrano Tabernan kopia batzuk ere badaude.

Managaitz, Trance eta Suicidas Putzuzulon

osteguna, 29 urtarrila, 2015

Otsailaren 1ean, igandean, Punk kontzertu itzela edukiko dugu Zarauzko Putzuzulo Gaztetxean. Biran dabiltzan Trance eta Suicidas taldeek beraien elkarbanaturiko 7 hatzbetekoa aurkeztuko digute gaueko 21:00etatik aurrera. Beraiekin batera Zarauzko Managaitz taldea ere ariko da. Kontzertu honetan atera daitekeen dirua, Pandora operazioan atxilotutakoak laguntzeko erabiliko da.

pandora

Durangoko Azokan gure materiala egongo da

asteazkena, 3 abendua, 2014

Durangoko liburu eta disko azokan ZarataZarauzko talde batzuen materiala lortzeko aukera edukiko duzue, Musikazuzeneaneko standetik pasatzen bazarete behintzat. Bertan, Managaitz, Hilkar, Ernia edota MKTren azken lanak lortzeko parada edukiko duzue besteak beste.

musikazuzenean

Landverraad eta Managaitz Getariako Gaztetxean

igandea, 2 azaroa, 2014

Astea indartsu hasteko, kontzertu ikaragarri bat izango degu Getariako Gaztetxean,oraingoan, Amsterdametik datorren Landverraad taldea izango dugu, bi astetako bira burutuko dute europan zehar eta Euskal Herrian emango duten kontzertu bakarra izango da.Hardcore azkarra jorratzen dute eta energiaz betetatko zuzenekoak eskeintzen dituzte. Talde desberdinetan ibilitakoak dira ia kide danak eta elkarrekin dioazen lau urtetan hiru EP argitaratu dituzte, azkenengo lana aurkezten ari dira bira honetan. Bira dexente egin dituzte europan zehar eta jaialdi ospetsutan jotzeko aukera ere izan dute.

Hauekin batera, Managaitz talde zarauztarra izango dugu, hauek ere atera berri dute diska berria eta jotzeko gogotsu azaldu dira.

21:00tan puntual hasiko gara eta sarrera 4 eurokoa izango da.

landmana


Managaitz taldea ZarataZarautz saioan

astelehena, 20 urria, 2014

Aste honetako ZarataZarautz saioan Managaitz taldeko kideak edukiko ditugu zuzenean. Kaleratu berri duten 7 hatzbeteko berria aurkeztuko digute eta laster kaleratuko den CDko abesti batzuk ere entzun ahalko dira. Guztia, Disgalerna jaunak gidatuta, beti bezala, gaueko 21:30etatik aurrera eta Arraio Irratiko uhin libreetan.

manazarata

Atzo Mangaitz taldearekin egin genuen saioa podcastean duzue. Playlista berriz HEMEN.