Archive for the ‘Txixaparrazta’ Category

Gure lagun presoen aldeko ZarataZarautz Batalla

Asteartea, abendua 10th, 2013

Abenduaren 14ean, larunbatean, Zaratazarautz Batallaren ekitaldi berri bat bizi ahalko da Putzuzulo Gaztetxean. Bertan, bi eszenatokietan 10 musika talde ariko dira zuzenean. Kontzertu honetan atera daitekeen dirua, gure lagunak diren Ekhiñe eta Ekaitzen bixitak ordaindu ahal izateko erabiliko da. Beraz badakizue, nahiz eta zarata ez gustatu, AZALDU!!!!

batalla

Batalla:

Managaitz Pottors ta Klito
Ernia Hilkar
Txixaparrazta Inor ez
Metralleta Humilitate
Erantzun MKT

Eta aurreko batallak nola joan ziren jakin nahi baduzue, ikusi bideo hauek.



Labi eta Xaporraren ongietorri kontzertuko bideoak

Ostirala, maiatza 11th, 2012

Apirilaren 27an Labi eta Xaporrari ongietorri kontzertu bat egin genien herriko 13 taldek. Apur bat berandu bada ere hemen dituzue egun horietako irudiak:

MKT

Dirtaa

Hilkar

Napalm Beach

Inor Ez

Erantzun

Humilitate

Diskoiraa

Metralleta

B.A.F.

Ernia

Anestesia

Txixaparrazta

Esker bereziak Bejondeigula Produkxionsi!!!!!

Labiri omenalditxo bat egingo diogu

Asteartea, apirila 24th, 2012

Asteazken honetan Labi eta Xaporra kartzelatik irtengo dira bertan urtebete egin ondoren. Mila aldiz salatu dugu zein arrazoigatik giltzaperatu zituzten eta ez gara berdina behin eta berriz errepikatzen ibiliko. Baina bai gogoratu nahiko genuke ostiral honetan, Apirilaren 27an gure lagun, Txixaparraztako kide eta Vistalegre kide den Labiri omenaldi txiki bat egingo diogula Zarauzko Arrano tabernan. Arratsaldeko 20:30etatik aurrera 12 taldek joko dugu bertan. Txixaparrazta, Erantzun, Metralleta, Humilitate, Diskoiraa, MKT, Dirtaa, Hilkar, B.A.F., Inor Ez, Ernia eta Napalm taldeak joko dugu.

Kontzertuak gaueko 01:00etarako amaitua egon behar du eta hortaz dena ziztu bizian joango da.

Txixaparraztaren kontzertua sarean da

Asteartea, urtarrila 3rd, 2012

Denbora askotxo pasa bada ere, azkenean Txixaparraztakoek Arraio Irratiaren 4. urteurrenean eman zuten kontzertuaren irudi batzuk sarean dira. Gozatu ezazue.., eta Labi askatu!!!

Arranopolak 25 urte betetzen ditu

Asteartea, abuztua 16th, 2011

Arranopola Kultur ekimenak 25 urte beteko ditu laister eta hau ospatzeko sekulako festa antolatu dute Zarauzko Arrano tabernan. Abuztuaren 24ean, asteazkenean, urte guzti hauetan tabernan jo duten talde batzuk ariko dira.

arranopola25

Bertan, Metralleta, Dictadura, Diskoiraa, Txixaparrazta, Hilkar, Lopeor, Mor More eta beste hainbat talde, bakarlari eta sorpresa izango dira arratsaldeko 18:00etatik aurrera.

arranopola_eguna-copia

Zorionak Arraio!!

Astelehena, maiatza 17th, 2010

Ba hoixe!!!

Arraio Irratiak 4 urte beteko ditu Maiatzaren 20an. Batzuk oraindik gogoan dugu egun horretan FMrako saltua egin genuenean, Gaizkiñeren abesti batekin. 4 urte igaro dira iada eta behar den bezala ospatuko dugu guk, merezi dugulako.

4 eguneko egitarautxoa antolatu dugu, Maiatzaren 19tik 22ra. Egun horretan zer egongo den jakin nahi baduzue klikatu ezazue HEMEN.

Baina zaratazaleok egun berezi bat dugu markatua gure egutegian, Maiatzaren 21ekoa, ostiralekoa. Egun horretan, lagun asko elkartzea espero dugu, urte batzutan jo gabe egon diren herriko bi talde ikusteko, Txixaparrazta eta Zülo. Azkenean Kamikazeko lagunek ez dute joko, denbora faltaren ondorioz ez jotzea erabaki dute eta. Hala ere, seme alabak etxean utzi eta barra ondoan ikustea espero ditugu. Eta gaua borobiltzeko, Belgikatik datorren The Link taldea ere izango dugu gurean. Crust epikoa egiten dute hauek, emakume ahotsez.

zulo_kolore

Besterik gabe, egun hauetan Putzuzulora etortzera gonbidatzen zaituztegu, gu behintzat han izango gara.

Pausoz Pauso ekimena izango da larunbat honetan

Ostirala, apirila 23rd, 2010

Euskal preso politikoen alde Anmistiaren Aldeko Mugimenduak antolatzen duen ibilaldia da Pausoz Pauso ekimena. Larunbatean, apirilaren 25ean izango da eta Azkoititik Zarautzerako bidea egingo dute eskualdeko hainbat eragilek. Eta eragile horien artean, ZarataZarautz osatzen dugun lagunak egongo gara.

1272001452929_f

Goizeko 10:00etan abiatuko da martxa Azkoitiko plazatik Azpeitiarantz. Azpeitiatik igaro ostean Zestoarantz joango dira. Zumaiara iristean, 14:30ak aldera, herri bazkaria egingo da eta bazkalostean, arratsaldeko 16:30ak aldera berriz ere martxari ekingo zaio. Getariatik igaro eta Zarautzen amaituko da ibilaldia. Arratsaldeko 19:30ak aldera Musika plazan izando da amanera ekitaldia eta baita indar berritzeko txotxa ere. Gauean kontzertuak egongo dira gaztetxean. “Egurra eta kitto”, “Fridays Crew” eta “Mercenarios” taldeek joko dute.

Honez gain, Arraio irratiak zuzeneko emankizuna egingo du goizeko 10:00etatik aurrera.

Badatoz San Pelaioak

Asteazkena, ekaina 24th, 2009

Ekainaren 25, 26, 27 eta 28an Zarauzko San Pelaioak izango ditugu gure herrian. ZarataZarataZarautz webguneak beraz, oporraldi txiki bat hartuko du egun horietan, ratero eta bortxatzaileen artean festaz gozatzeko.

festiya_27

Gure partetik, festara hurbiltzea gomendatzen dizuegu, makina gauza eta ekintza izango ditugu egiteko. Baina bereziki, Ekainaren 27an izango den kontzertura gonbidatu nahi dizuegu. Bertan, Txixaparrazta talde mitikoaren berragerpena izango dugu. Dutxatu gabeko zikin hauek, kontzertua eskeiniko dute denbora batean isilean egon ondoren. Beraiekin batera, MKT-ko lagunaka ere izango dira, sentimenduz beteriko doinuak astintzen. Kontzertu hau, arratsaldeko 20:00etan hasiko da.

Beraz, webgune hau bisitatzen duzuenok, gonbidatuak zaudete San Pelaioetara.

Mehatxua egi bilakatu da

Larunbata, ekaina 13th, 2009

Aurrena Etsaiak izan zen, gero Subterranean Kids, hauen ostean Ama Say, Komando Tripontxik ere kontzerturen bat eman du eta orain Txixaparraztaren txanda iritsi da.

txix

Bai, ez da gezurra, Rock Star batzuen moduan bueltan dira Zarauztarrak. Zarauzko San Pelaioak aitzakiatzat hartuta, kontzertua eskeiniko dute Ekainaren 27an, arratsaldeko 20:00etatik aurrera eta MKT taldearekin batera..

Garai batean, Erdoiztatik afeitatu gabe etortzen ziren. Oraingoan agian beraien bizarrak moztuta etorriko dira baina betiko nazka itsura emango dute eta beraien ahotatik oraindik eta nazka gehiago irtengo da. Nik badaezpada egun horretan aterkia eramango dut, agian aurpegira txixaparrazta egingo didate eta.

Zarauzko musika taldeen argazki erakusketa Photomuseumen

Osteguna, ekaina 4th, 2009

Ekainaren 2tik 21era bitartean ’Rockaren aztarna Zarautzen’ argazki erakusketa izango da Photomuseumen, herriko historian izan diren musika taldeen hainbat irudirekin. Bertan noski, ZarataZarautz osatzen duten hainbat talde eta “musikarien” irudiak aurkitu ahal izango duzue.

ziula

Hala ere gogoratu nahi dizuegu, erakusketa ikusteko ordaindu beharra duzuela, ostiraletan izan ezik, egun horretan debalde izaten da eta.

Honen arira, zenbat diru jasotzen dute Rockumentala antolatzen dutenek? eta zenbat urte osoan zehar Zarauzko Putzuzulo Gaztetxean edota Herriko Tabernan ekitaldiak antolatzen dituztenek? Zer laguntza mota ematen zaie? Zuen erantzunen zain geratzen gara