Ernia taldeak, Txoko-aldeko Akerra Gaztetxean joko du ostiral honetan, azaroaren 18an. Bertan, Lasarte Keep Digging eta Italiatik datozen Carlito taldea ere egongo dira. Kontzertua 23:00etan hasiko da.
Azaroaren 19an, larunbatean, Putzuzulo Gaztetxearen urteurrenaren barruan egiten dugun urteroko ZarataFest jaialdia edukiko dugu Gaztetxean. Aurtengoan, Putzuzulotik irteten ez diren HILKAR, Donostialdeko KAMORRAH, Baionako INFEST eta inoiz agurtzen ez diren ARRAULTZ USTELAK Oriotarrak edukiko ditugu gaueko 22:00etatik aurrera.
Putzuzulon orain dela bi urte eduki genuen talde baten diskoa dugu oraingoan. Margaret Trasher Kanadarrak, 2008an kaleratu zuten Moderate Rock LPa. Hardcore Punk gordina, tontakeriarik gabe eginikoa eta emakume ahotsaz lagunduta.
Abestiak
1. Dumb Until I Die
2. Dammit VI
3. Weight
4. Fuck That
5. Resuscitate
6. Airport Violence
7. Raise The Bar
8. No Offense
9. Betrayed
Diska jeitsi nahi baduzue, klikatu ezazue HEMEN.
Putzuzulo Gaztetxearen 6. urteurreneko ekitaldien barruan, Ungdomshuset 69 Copenhagueko etxe okupatuaren inguruko proiekzioa izango da, asteartean, Azaroaren 15ean.
Honi jarraipena eman asmoz, Danimarkako taldeak jarriko ditugu gure irratsaioan, gaueko 21:30etatik aurrera. No hope for the kids, Paragraff 119. Gorilla angreb eta The Assassinators bezalako taldeak entzun ahalko dira besteak beste.
Egun honetako saioa entzun nahi baduzue, podcastean duzue. Playlista berriz, HEMEN.
Juli-Juli tabernaren agurra dela medio, ez genuen irratsaiorik egin aurreko astean. Baina aste honetan gogo biziz gatoz saio berri bat egiteko intentzioarekin. Baja garrantzitsu bat edukiko dugu biharkoan ordea, Lagun Izoztuak ezingo du eta Arraioko gela arroxean izan osasun arazoak direla medio.
Hala ere, Krixpin eta B jauna egongo dira ordu eta erdiz zuen belarriak zulatzen, betiko zabor berberarekin. Ez ahaztu Arraio Irratia sintonizatzea bihar, gaueko 21:30etatik aurrera edo internet bidez entzutea.
Juli-Juli tabernaren agur festa dela eta ez dugu ZarataZarautz irratsaiorik egingo gaurkoan. Arratsaldeko 18:00etatik aurrera, MKT, Ernia, Ukan Du eta sorpresaren bat gehiago edukiko dugu iada mitiko bihurtu den Azken Portuko taberna honen atarian. Datorren astean gogo biziz itzuliko gara saio berri batekin. Bitartean, Putzuzulo Gaztetxean ospatu zen bertsio gaueko laburpen bideoarekin uzten zaituztegu:
Aspaldiko partez, Juanmaren bisita edukiko dugu ZarataZarautzen. Fachiren egunean, lanerako gogoz gaude ZarataZarauzko lagunak eta Juanmak ekarriko digun zaborraren zain.
Gogoratu zita zaratatsua duzuela gaur, gaueko 21:30etan, Arraio Irratian. Eta internet bidez ere entzun ahalko duzuela.
Atzo egin genuen irratsaioa entzun nahi baduzue, podcastean duzue. Playlista berriz, HEMEN.
Urretxu-Zumarragako Gaztetxean ospatzen den Kroketa Fest jaialdia ospatuko da larunbat honetan. Bertan, Zarauzko Humilitate eta Erantzun taldeez gain, Zaragozako Warsong taldeak ere joko du. Kontzertua gaueko 21:30etan hasiko da baina hau baino lehenago irratsaio berezi bat egingo dute ZaratataraZ irratsaioko lagunek, arratsaldeko 19:00etan.
Estatu Batuetan bi hilabete biran egon ostean, derrigorrez ekarri behar genituen Humilitatekoak. Gaurko eguna aprobetxatuko dugu beraien biraren inguruan taldekideekin hitzegiteko, ea zer kontatzen diguten.
Gogoratu, zaratarekin zita duzuela, gaur, asteartea, gaueko 21:30etatik aurrera eta Zarautzen ez bazaudete, internet bidez ere entzun dezakezuela, beti ere HEMEN klik eginaz.
Atzo Humilitatekoekin egin genuen irratsaioaren playlista HEMEN duzue. Irratsaioa berriz podcastean:
Berandu bada ere, Zülo taldearen azken kontzertuko bideoa ikusgai dago. Arraio Irratiaren 4. urteurren egunean jo zuen azken kontzertu hau, 2010eko Maiatzaren 22an alegia. Kontzertuaren bi zati igo ditugu oraingoz, gainerakoa datozen egunetan egongo da ikusgai.