Iada sarean duzue atzo ZarataZarautz irratsaioko hirukoteak egin genuen saioa. Inguruan izan ditugun kontzertuen berri eta Zarauztar taldeek izango dituzten kontzertuez hitzegin genuen bertan. Saioaren azken txanpan gainera, Lengua Armada zigiluaren binilo berri batzuk errepasatu genituen eta baita nobedade batzuk ere.
Saioa entzun nahi baduzue HEMEN duzue. Egun honetako Podcasta berriz HEMEN.
Podcast: Play in new window | Download
Martxoaren 29ko ZarataZarautz saiorako ere nobedade berriak lortu ditugu. Hasteko, Hilkar taldearen diska berriaren kantutxoren bat jarriko dugu. Zarauztarrek CD bat atera dute eta lehen doinuak entzuteko parada izango dugu.
Honez gain, Lengua Armada zigiluaren binilo batzuk ere ekarriko dizkigu B Jaunak. Guzti honez gain, Putzuzulon antolatuak ditugun kontzertuez ere mintzatuko gara. Besterik gabe, gaueko 21:30ak arte!!
Atzo egin genuen ZarataZarautz irratsaioa entzungai duzue iada. Ordu eta erdi luzez, historiako sarraski nuklearrak gogoratu genituen hainbat musika talderen abestirekin. Honez gain, agendari ere errepasoa egin genion eta azken nobedade batzuk ere entzun genituen.
Irratsaioa entzun nahi baduzue, HEMEN duzue. Playlista berriz HEMEN.
Podcast: Play in new window | Download
Martxoaren 22ko ZarataZarautz irratsaioan, esku artean ditugun nobedade berriez eta datorren asteetan inguruan izango ditugun kontzertuez mintzatuko gara.
Honez gain, irratsaioaren bigarren zatian, Japonian izan den ezbehar nuklearraren inguruan ere mintzatuko gara, urteetan zehar talde ezberdinek egin dituzten kantuen inguruan. Gogoratu zita zaratatsu bat duzuela astearte honetan, gaueko 21:30etatik aurrera. Eta internet bidez ere entzun ahalko duzuela, HEMEN klik eginaz.
Atzo Bad Religion taldearen inguruan eginiko irratsaioa sarean dago iada. Igor Leerekin bi ordu luzez hizketan ibili ginen talde mitiko honen inguruan. Gogoratu beste saio bat egingo dugula falta den diskografiari errepasoa egiteko.
Irratsaioa entzun nahi baduzue, HEMEN duzue. Playlista berriz, HEMEN.
Podcast: Play in new window | Download
Martxoaren 15eko ZarataZarautz irratsaiorako, gonbidatu berezi bat izango dugu. Bertan, Igor Lee edukiko dugu Bad Religion talde estatubatuarraren inguruan solasean.
Ordu eta erdiz, talde beterano honen diskografia errepasatuko dugu gure lagunarekin, gaueko 21:30etatik aurrera. Eta beti bezala, gogoratu Zarautzen ez bazaudete internet bidez entzuteko aukera edukiko duzuela HEMEN.
Martxoaren 8ko ZarataZarautz irratsaioan Juanma izan genuen gonbidatu bezala. Bertan, emakume ahotsak izan ziren protagonistak ordu eta erdiko irratsaioan. Atzoko saioan, Life… but how to live it?, Melt Banana, Romantic Gorilla edo Holy Moses bezalako taldeak entzuteko aukera izan genuen.
Irratsaioa entzun nahi baduzue, HEMEN duzue. Playlista berriz, HEMEN.
Podcast: Play in new window | Download
Martxoaren 8ko ZarataZarautz irratsaioan Juanma edukiko dugu berriz ere musika jartzen. Oraingoan gainera, emakumeak protagonista diren beste saio bat ekarriko digu. Aurrekoan Punk musika taldeak eta emakume ahotsak uztartu bazituen, oraingoan Hardcore taldeen txanda izango da. Life… but how to live it? bezelako taldeak entzuteko parada izango duzue bertan.
Gogoratu galdu ezinezko zita duzuela asteartean gaueko 21:30etatik aurrera, FMko 99.3an. Eta Zarautzen ez bazaudete internet bidez ere entzun dezakezuela HEMEN klik eginaz.
Podcast: Play in new window | Download
Atzoko ZarataZarautz irratsaioan, Phil Vaneren inguruan jardun ginen. Bertan, Extreme Noise Terrorren diskografiari errepaso txiki bat eman genion. Saioaren bukaeran berriz, azken nobedade batzuk entzuteko aukera ere izan genuen.
Irratsaioa entzun nahi baduzue, HEMEN duzue. Playlista berriz HEMEN.
Podcast: Play in new window | Download
Aste honetako astearte zaratatsuan, Extreme Noise Terror taldeko Phil Vane ekarriko dugu gogora. Bidean gelditu zaigun kantariaren ibilbideari errepasoa egingo diogu. Honez gain, azken aldian lortu ditugun nobedadeak ere entzungai izango dituzue, Gobierno Militar, Ruleta Rusa edota Belgrado bezala taldeak entzun ahalko dira.
Gogoratu zita zaratatsu bat duzuela astearte honetan 21:30etatik aurrera. Eta Zarautzen ez bazaudete internet bidez ere entzun dezakezuela HEMEN klik eginaz.