Zarauzko Humilitate taldeak Municipal Waste talde Estatubatuarrarekin joko du ostegun honetan, Irailaren 17an, Bilboko Santana 27 aretoan.

Richmondeko taldeak, Abuzutuan bertan Massive Aggressive izeneko estudioko laugarren lana kaleratu du eta Euskal Herrian izango dira jotzen. Trashcore kontzertu itzela ikusteko aukera duzue beraz.

Irailaren 17an, ostegunean, beste kontzertu zaratatsu bat duzue Arraio irratiko ZarataZarautz irratsaioaren eskutik. Gaueko 21:30etatik aurrera, Zaragozakoak diren Mistkafer eta etxean jokatzen duten Metralleta taldeen kontzertuaz gozatzeko aukera izango duzue.

Emakumez soilik osaturik dagoen Crust taldea da Mistkafer eta aurten bertan, Almax taldearekin batera elkarbanaturiko LP bat kaleratu behar dute. Espainiar estatuan bira txiki bat ari dira ematen eta ostegunean Zarautzen jotzen izango ditugu bigarren aldiz. Metralletakoak berriz, Diskoiraa taldearekin batera elkarbanaturiko EP bat kaleratu ostean laukote izatera pasa dira eta formazio honekin lehen kontzertua emango dute. Askok jakingo duzuen bezala, kontzertua 23:00etarako amaiturik egon behar du, beraz, puntual etortzea asko eskertuko dugu.

Irailaren 7an, astelehenean, galdu ezinezko beste zita zaratatsu bat izango duzue Zarauzko Putzuzulo Gaztetxean. ZarataZarautzen eskutik, Holandatik biran datozen Hard Voor Weinig Hardcore taldeak joko du. Euskal Herrian eta Espainiar Estatuan burutu behar dute bira hau eta Andoain eta Arrasate eta Bilbon jotzeaz aparte, herrian ere izango ditugu.

Beraiekin batera, Bilbokoak diren eta Crust & Roll indartsua egiten duten Pabellon 314 taldeak joko du. Kontzertua, gaueko 21:00etan hasiko da.r

Hardcore kontzertu itzel bat egongo da Irailaren 1ean, asteartean, gaueko 21:00etatik aurrera, Zarauzko Putzuzulo Gaztetxean. Bertan, KEEP DIGGIN Lasartearrak, beraien ohiko Lasartea HCa egiten eta Xerez inguruko TRUTH THROUGH FIGHT taldeek joko dute.

Inor Ez talde Zarauztarrak, Amurrioko La Cuadra etxe okupatuan joko du Abuztuaren 10ean, astelehenean.

Bertan, Irkhala, The Black Gramola Conspiracy, Orduñako Itxaropen zikina eta Mandril bakarlari Madrildarrarekin joko dute.

Kontzertua, arratsaldeko 19:00etan hasiko da.

Metralleta eta Diskoiraa Zarauztar taldeek orain dela 2 hilabete inguru kaleraturiko elkarbanatutako diska aurkeztuko dute. Aurkezpen berezia egin nahi izan dute bi taldeek, lagunartekoa eta sinplea egin nahi dute.

Horretarako, Abuztuaren 9an, igandean, Vistalegreko entsegu lokaletan aurkeztuko dute. arratsaldeko 19:00etatik aurrera. Honen ostean, Getariara joateko gomendioa ere luzatzen dugu, MKT taldeak joko du eta.

3 urte daramatzagu jendearen belarriak berotzen zaratazarautzen, zarauzko irrati librean, Arraio irratian. 3 urte diy eszenaren talde berriak ezagutarazten, taldeei zein pertsonei elkarrizketak egiten, gure herriko talde zaratatsuak ezagutarazten, erakusten diy eszena ez dela musika bakarrik, konpromisoa eta ilusioz zu zeu zure gauzak egitea dela ere bai. Blog hau ere ireki dugu non diska gomendiak daude eta zarauzko punk hardcore taldeen informazio guztia bilatu dezakezu. Hau dana beti ere humorez bustita, gure ohiko arazo teknikoekin…. jjejejeje

Hiru urte zaratatsu hauek ospatzeko kontzertu/festa bat antolatu dugu Putzuzulo amets fabrikan, abuztuaren 10ean, astelehenean, 18tatik aurrera:

Ezereza: Zarauzko taldea, beste talde askotan parte hartzen duen jedeaz osatua (erantzun, diskoirää, Metralleta…). Hardcore punk azkarra melodiaz bustita.

Etacarinae:: Barnako kaletatik crust bortitza jorratzen duen taldea, minibira bat egiten ari dira estatu mailan Born/dead-ekin.

Born/dead: Hirugarren aldiz etortzen dira crusti hauek Euskal Herrira, punkcrust brutala eta konprometitua.

Puntual xamar hastea nahi dugu kontzertua (ahal dugun neurriyan) auzoko festak direlako. Parrilada veganoa izango dugu, txosnak, zarata, izerdia eta negar malkoak. Grabatzen saiatuko gera, badakizu dotore etorri…..

Gonbidatuta zaude!!!!!!!!!!!!!!!

Asteartero 21:30tatik 23ta zita zaratatsu bat duzu 99.3an

Zemouz gea? holandako lurretan gaude “total harrokeriya 09 europe tour-eko” kideak. Paris ondoko Versalles hirian eman genuen lehen gaua. Gau lasaia pasa genuen bidaiko nekeak deskansatze aldera. Bertan gure Zeta Reticuli eta Revoc taldeko kideen etxean egin genuen lo aurreko alditan bezala.

Bira honetako lehen egunak turisteatzeko genituen, lehen lau egunetan kontzerturik ez baikenuen. Baina azken unean Holandako Den Bosch herriko squat batean jotzeko aukera eman ziguten eta bertara joan ginen Parisetik zuzenean. Herri polita eta kuriosoa honakoa eta Don d toll squata erraz aurkitu ostean herrian zehar paseo bat eman dugu. Kontzertua azken unean lotua izan da beraz jende gutxi espero da. gaur berean beste bi festa daude herriko beste bi squatetan beraz zaila izango da jende asko biltzea.

Kontzertuko tokia oso toki polita da. Goxoa eta txukuna. Moketa goxo batek inguratzen du lokal guztia eta akustika ikaragarria. afaldu eta kafearen ostean kontzertuari ekin diogu. ikusle askorik gabe baina oso giro polita eta lagunartekoa. Bertako jendea gustora geratu da ooso eta gu ere bai. Kontzertu honek lehen egun turistei bira honetara etorri garen arrazoia gogorarazten balio izan digu. Musikari presentzia eman lehen egun hauetan eta ampliak piztu eta sokei egurra emateko gogoa handitu digu. Baina oraingoz bi egun pasa behar ditugu amsterdamen jotzeari ekin aurretik. beraz… paseatu eta txokoak ikustera.

Amsterdamera iritsi eta berehala kokatu gara. Gustoko diutgun txokoetara jo dugu zuzenean: aurrez jotzen ibilitako bi squat eta disko denda pare bat. eta ondoren lotako tokia lotu dugu gure lagun Sanneren etxean eta berriz kalera Holandako Tipikokeriak egin eta ez hain tipikokeriak bizitzera. Barre asko egin dugu hemen kaleetan ikusten diren gauza bereziekin… giriak itxu itxu eginda eta balantzaka ikusteak badu bere grazia.

Gaur beste egun bat igaroko dugu Amsterdamen. Ekintza pare batez informatu gaituzte eta ikusi nahi dutugun pare bat museo ere baditugu agendan beraz eguna ere kompleto joango da gaurkoan. Torturaren museoa eta beste bi txoko ezagutu eta relax pixkat. Bihar manheim aldrea egingo dugu salto. 480 km Alemaniara eta musikarekin hasteko garaia izango da. kargatu, deskargatu, ampliak piztu, kableak jaso eta zarataz gozatu. mono handia dugu ampliak gauero gauero pizteko eta bihartik aurrera egunero kontzertuak ditugu. 7 kontzertu. manhein, berlin, poznam, …. baina goazen egunez egun…egun bakoitza bizitezn eta gozatzen. gaur amsterdam. bihar biharkoa.

Beste behin ere, ZarataZarauzko kideen eskutik, Inor Ez, Dictadura eta Short Fuse taldeak ikusteko aukera izango dugu, abuztuaren 5ean, asteazkenean.

Inor Ez Zarauztarrak, Estatu Espainiarrean ibili dira egun batzutan kontzertuak eskeintzen eta Zarautzen emango duten hau bira txiki honen amaierako kontzertua izango da. Dictadurakoek berriz, beraien bigarren kontzertua eskeiniko dute. Uztailean, Getariako Gaztetxean ikusteko aukera izan genituen Limp Wrist eta Face Up To It taldeekin batera. Metralleta, Ezereza edota Afonia bezalako taldeetako partaideez osaturiko taldea dugu honakoa. Putzuzuloko oholtzara igotzen azkenak izango direnak, Short Fuse alemaniarrak dira. Alemaniarrak Europar biran dabiltza eta Euskal Herrian emango duten kontzertu bakarra honakoa izango da. Kontzertua, 20:30etan hasiko da.

Aste honetako Putzuzulo Gaztetxeko kontzertu egitaraua oso kargaturik dator eta honen erantzuletako bat ZarataZarauzko kideak dira. Uztailaren 29 eta 30ean bi kontzertu oso interesgarriz gozatzeko aukera izango dugu.

Uztailaren 29an, Determination eta Trigger Travisen doinuez gozatzeko aukera izango dugu. Trigger Travis Donostiarrek, skizo rockin´hardcore moloia egiten dute eta aurreko batean ere Putzuzulon izan genituen. Determination Austriarrek berriz, eskola zaharreko punkjarkorea melodiak jorratzen dituzte.

Uztailaren 30ean berriz, MR. Miyagi eta Carne Para Gusanos taldeek joko dute. MR. Miyagi Portugaldarrek, sxe punkjarkorea jorratzen dute eta Europar biran dabiltza. Carne Para Gusanos Beasaindarrek berriz, hardcore crust bortitza egiten dute.

Bi kontzertuak, gaueko 21:00etan hasiko dira. Beti bezala, gogoratu behar dizuegu kontzertuak 23:00etan amaiturik egon behar dutela eta ondorioz, puntual azaltzea eskertuko dugu.