Aste honetako ZarataZarautz saioan, Metralleta taldeko kidea den Tito edukiko dugu. Bigarren aldiz egongo da gela arroxean gustoko duen musika jartzen. Gogoratu zita zaratatsua duzuela astearte honetan, gaueko 21:30etatik aurrera.
Atzo Titorekin egin genuen saioa entzuteko moduan duzue podcastean. Playlista berriz HEMEN.
Oporrak amaitu diren honetan, ZarataZarautz irratsaioa bueltan da. Gaurkoan ere ez dugu gonbidaturik eta Lagun Izoztua ere ez da bertan egongo. Baina ordu eta erdiko saio bikain bat prest dute B Jaunak eta Krixpinek. Ez ahaztu gaur 21:30etatik aurrera zita zaratatsua duzuela Arraio Irratian.
Atzoko saioa podcastean duzue. Playlista berriz HEMEN.
Atzo egin genuen ZarataZarautz saioa entzungai duzue iada. Ez genuen gonbidaturik eduki baina hiruron artean ordu eta erdiko zarata saioa egin genuen. Playlista HEMEN duzue. Irratsaioa berriz, podcastean.
Gaurko ZarataZarautz saioan Igor etorriko zaigu Bad Religion talde Estatubatuarraren inguruko bigarren irratsaioa egitea. Lehen saioa, orain dela urte batzuk egin zituen eta gaurkoan bigarrenarekin murgilduko gara, beti bezala, gaueko 21:30etatik aurrera eta Arraio Irratiko uhin libreetan.
Saioa beti bezala podcastean duzue. Playlista berriz HEMEN.
Bi zarata kontzertu ditugu aste honetan Zarauzko Putzuzulo Gaztetxean. Lehena Martxoaren 25ean izango da, asteazkenean eta Zaragozako Venganza taldea eta Zarauzko Total Ars taldeak edukiko ditugu. Gogoratu aste barruko kontzertuak 23:00etarako amaituak egon behar dutela.
Larunbatean berriz, Martxoaren 28an, Oreretako Odio, El Sonido de La Metralla eta Alemaniatik biran datozen High edukiko ditugu.
Aste honetan Krixpin gabe egin dugun ZarataZarautz saioa entzuteko moduan duzue iada. Inguruan ditugun kontzertuei errepasoa egin genien lehenik, agenda ahaztu gabe. Honez gain, etxean genituen binilo batzuei ere buelta batzuk eman genizkien. Saioa podcastean duzue, Playlista berriz HEMEN.
Aste honetako ZarataZarautz saioa berezia izango da. Beste talde batzuk parodiatzen dituzten musika taldeen izenak dituztenekin bustiko dugu eta. Beti bezala, gaueko 21:30etatik aurrera Arraio Irratiko uhin libreetan.
Atzo egin genuen saio bikaina podcastean duzue. Playlista berriz HEMEN.
Astebukaera nahiko potentea dator Bergara aldetik, bertako Gaztetxean, 4. Tapoi Fest jaialdia ospatuko da eta. Eta aurten ere ez dira Zarauzko taldeak faltako.
Otsailaren 27an, ostiralean, Ernia eta Hilkar zarauztar taldeez aparte, Hernanialdeko Meltdown eta Bergarako Drop! taldeak edukiko ditugu.
Larunbatean berriz, otsailaren 28an, Managaitz eta Sofa izango dira zarauzko errepresentazioa. Eta beraiekin batera, Madrilgo Accidente eta Perras Salvajes taldeak jardungo dute.
Aste honetako ZarataZarautz saioan, Bergarako Gaztetxean egingo den Tapoi Fest-ari egingo diogu tartea. Ostiral eta larunbateko jaialdi honetako taldeak errepasatuko ditugu eta antolatzaileak ere elkarrizketatuko ditugu, beti bezala, Arraio Irratiko uhin libreetan.
Atzo eginiko saioa podcastean duzue. Playlista berriz HEMEN.
