Aste honetako ZarataZarautz saioan Bartzelonako bi lagunen bixita edukiko dugu, Mattin IZ eta Saioa edukiko ditugu gure gela arroxean. Zarautzen egun batzuz izango ditugu eta gure saiora hurbiltzeko gonbiteari baiezkoa eman diote. Beraz, bihar, gaueko 21:30etatik aurrera Bartzelonako doinu zaratatsu batzuk, ohiko agenda eta gure humore bikaina entzun ezazue.
Atzo Saioa eta Mattinekin eginiko saioa podcastean duzue. Playlista berriz HEMEN.
Igande honetan, Martxoaren 24ean, igandean, hardcore kontzertua izango da Putzuzulon. Bertan hiru talderen saioa izango dugu. Lehenak, etxean jokatzen duten Managaitz izango dira. Eta hauen ostean, Madriletik datozen Obediencia eta Norbegiako Lucky Malice.
Beraz, Hardcore, Punk eta emakume ahotsez bustiriko igande arratsalde bat eduki nahi baduzue, hurbildu Putzuzulora eta bidali Errealaren partidua popatik hartzera.
Badakit ZarataZarautzeko entzule finek Lagun Izoztuaren falta izugarri botako dutela baina gaurko saioan, Krixpin eta B Jaunaren presentziarekin konformatu beharko zarete. Aste honetan, gonbidaturik ez da izango baina bai nobedade berriak, beti bezala, gaueko 21:30etatik aurrera.
Atzoko saioa podcastean duzue. Playlista berriz HEMEN.
Ostiral honetan, Martxoaren 15ean, hardcore kontzertua izango da Putzuzulo Gaztetxean. Bertan, Bilboaldeko Inserta, Mallorkako Pollos Hermanos eta Bermeoko Magnetico Grupo Robot taldeak egongo dira gaueko 22:00etatik aurrera.
Gaurko ZarataZarautz irratsaioan Juanma etorriko zaigu eta oraingoan, 80 eta 90 hamarkadetan insumisioaren aldeko eta militarismoaren aurkako sorturiko abestiak entzuteko aukera izango dugu beti bezala, gaueko 21:30etatik aurrera
Atzo Juanmarekin egin genueen saioa, ohi den bezala podcastean duzue. Playlista berriz HEMEN.
Managaitz taldeak Trintxerpeko Mogambo aretoan joko du larunbat honetan, Martxoaren 9an. Bertan, Iparraldeko Kuma No Motor eta Bartzelona aldetik datozen El Punto Devil eta The Crowd taldeekin egongo da.
Aste honetan Martxoak 8 dela eta ZarataZarautz saioan emakumez osaturiko taldeen abestiak jarriko ditugu. Gaueko 21:30etatik aurrera ordu eta erdiz emakume ahotsak izango dira protagonista.
Atzoko saioa podcastean duzue. Playlista berriz HEMEN.
Managaitz eta Humilitate taldeek kontzertuak eskeiniko dituzte astebukaera honetan. Lehena Eibarren izango da ostiralean, Martxoaren 1ean. Bertan, KaosarenerasoaK, Annunaki Revenge, Mantala no eta Raiserrekin egongo dira Gaztetxean bertan.
Humilitatekoek berriz ere jarduna izango dute larunbatean. Zarauzko Putzuzulo Gaztetxean joko dute Arrosa irrati sareak antolaturiko II. Irrati Topaketetan. Oraingoan, 24 Ideas Bartzelonar talde mitikoarekin eta berriz ere, KaosarenerasoaK taldearekin joko dute.
Gaurko saioan B Jaunaren hutsunea edukiko dugu baina lasai, Lagun Izoztua eta Krixpin bertan egongo dira egurra emateko prest. Aste honetan ez dugu gonbidaturik edukiko baina belarriak zulatzeko prest izango gara beti bezala, ohiko agenda ahaztu gabe eta baita nobedaderen bat ere.
Atzoko saioa podcastean duzue. Playlista berriz HEMEN.
Donostialdeko (Nahiz eta Zarauztar batek jo bertan, gaur egun Bilbon exiliaturik dena) emoviolence talde handi bat duzue Paz Vegan. Denbora gutxi iraun zuen taldeak baina maketa hau utzi zuten bere garaian. Gaur egun, bertako partaide batzuk Erroma taldean jotzen dute. Gozatu!!!
Abestiak
01 I
02 II
03 III
04 IV
05 V
06 VI
07 VII
08 VIII
09 IX
Diska jeitsi nahi baduzue, klikatu ezazue HEMEN.