Aste bete pasa eta gero hemen gaude Diskoiraakoak, Rafa eta Lagun Izoztua. Aste oso frenetikoa eduki dugu eta ia ez dugu denborarik izan webgunea aktualizatzeko baina hemen duzue Bandungen ateratako argazkitxo bat, bizirik gaudela ikusteko.
Diskoiraa taldea Asian zehar ibiliko da biran, Malasia, Tailandia, Filipina eta Singapurren hain zuzen ere. Irailaren 1etik Urriaren 3ra arte 20 bat kontzertu eskeiniko ditu herrialde hauetan.
Honen ondorioz, webgune hau denboraldi batean geldirik egongo da, nahiz eta ahal dugunean berritzen saiatuko garen. Honez gain, Arraio Irratian burutzen dugun ZarataZarautz saioak ere etenaldi txiki bat jasango du, Urrian itzuliko garelarik
Irene eta konpañia Abuztuak 29, astelehena
New Jersey-ko kontzertuaren ostean idatzi behar nizuela esanaz agurtu nuen azken egunerokoa. Etxera itzultzeko egun gutxi zirela eta, opor egun pare bat NY-n, 49. Kontzertua NJ-n eta hegaldia hartzea zen gure plana. Huraxe zen gure plana, Ireneren bixita jaso genuen arte. Hegaldia baina pare bat egun lehenago hasi ginen Ireneren berri izaten. Bahamas-en eta Florida inguruan eginiko txikizioen ostean iparralderuntz zihoala eta, iganderako NY-era iritsiko zela zioten. Sekulako txikizioa izango zela eta lehen aldiz NY-ko metroa itxi, zubiak itxi, autobus zerbitzua gelditu eta denda guztiak ixteko agindu zuten agintariek. Oraindik ere Gloria erauntsiak eginiko txikizioak gogoan dituzte hemengoek eta panikoa sartu zaie.
Beraz, sekulako mugimendua hasi da. Denda guztiak ixten hasi dira Ostiral gauean. Zirrikitu denak ongi tapatu eta askok egurrarekin ere tapatu dituzte ate eta lehioak. Azken metroan itzuli gara etxera. 12pm-tik aurrera ez dago metrorik iada. Etxeetako lehioetan ere zelo zatiak jarri dituzte (hautsi ezkero ere pusketetan ez erortzeko). Irrati eta telebista kate guztiak Ireneren azken pausuen berri ematen ari dira 24 orduz. Ez dute datu gehiegirik, baina kontu berberarekin eta panikoa zabaltzen, egun osoa ematen dute. Honek jendea supermerkatuetara eraman du. Mundu osoa, ura, janaria eta hain beharrezkoak ez diren beste hainbat gauza erostera doaz zoro moduan. Gu, supermerkatu batera gerturatu gara eta jendez gainezka dago. Baina oraindik ere produktuak badira apaletan. Beste lau supermerkatu iada hutsik geratu dira. Supermerkatuko kolan gaudela barre egiten zuen Puerto Rico-ko amona batek. Euri pixkat besterik ez duela egingo eta ez dela kezkatu behar, barre egiten du konpultsiboki erosten ari direnei. Guk, tonto tonto, gauza asko erosi ditugu. Pare bat egun etxean emango ditugula esan digute eta zerbeza, ardoa eta janari pixkat hartu dugu (pixkat… ejeje). Konturatzerako guk ere gauza askotxo erosi ditugu.
Gu ere Puerto Rico-ko jatorria duten bi lagunekin gaude, Taina eta Javier. Hauek ere barre egiten diote hurakanari. Tainak barrez esaten digu: “esto no sera mas que un xiri miri para vosotros”. Baina, udalak, badaezpadako neurriak hartzea erabaki du eta inoiz gelditzen ez den hiria gelditu egingo da behingoz. Metroa, ferryak, dendak, aireportuak, zubiak,… eta KONTZERTUAK bertan behera gelditu dira. Horrek, 49 eta azkena izan behar zuen kontzerturik gabe usten gaitu. Jende asko elkartzekoa zen New Jerseyko kontzerturik gabe usten gaitu. Despedidakoa, azkena, izan behar zuen kontzerturik gabe.
Larunbata da. Gaur iritsiko dela suposatzen da. Aurreikuspenek, gauerako esaten dute, oraingoz euria besterik ez dabil. Haizerik ez. Hurakanari buruzko notiziak oso graziosoak dira benetan. Ikusgarria da nola detaile txikienari ere zein garrantzia jartzen dioten. Eta horrelaxe pasa dugu larunbata. Etxean sartuta, zerbeza, ardoa eta janariarekin kontu kontari. Musika entzuten. ACDC eta Panteraren bideoak ikusten jardun gara, pixkat lokartu diguteen arren. Azkenean, Ruben Vlades, Oscar de Leon eta Hector lavoe jarri eta gure etxekoak ere alaitu dira. Honek berpiztu gaitu! Jeje. Pelikula bat gauerako eta hurakanaren zain geratu gara. Bihar goizean iritsiko delakoan.
Igande goiza da. Haizeak gogorrago jotzen du. Baina ekaitz arrunt bat bezala. Guk dena den, lo egiten pasa dugu goiza. Eguerdirako jeitsi da haizea, euria geratu du, eta hori zen dena. 3 egun alerta eta panikoa zabaltzen egon ostean, ekaitz bat besterik ez da izan. Hemen, alkantarilak eta ez daude oso ondo eta berehala betetzen da dena putzuz, baina ez da beste munduko ezer izan (jeje kotxeak eta behiak hegan ikusiko genituelakoan eta… xiri miri xistrin bat azkenean!!!). Beraz, gure hegaldiak bertan behera geratu dira. Konpañiara deitu dugu eta irailaren 2ra bitartean ezin gara itzuli. Bi hilabete eta aste bete etxetik kanpora eta bidai luze honen ostean, hasieran bajoi handia eman digu etxera ezin joanak. Gure jendearekin elkartzeko gogoak handiak dira eta planak aldatzen dizkizu bat-batean horrelako aldaketxo batek. Baina tira, NY izeneko hiri zoragarri honetan beste aste bete egoteko aukera irabazi dugu, beraz, ahalik eta gehien gozatzen saiatuko gara. Orain arte ikusi gabekoa ikusi eta gauza berriak topatzeko ordua da. Bueltarako planak ere planak martxan daude… Azkena izan nahi zuen egunerokoaren kapitulu honek, baina, ez du plazer horretaz gozatu ahalko. Hegaldia etxera iritsi arte, Humilitate “hurricane” tour 2011-k bizirik dirau.
Astearte honetako ZarataZarautz irratsaioa azkena izango da, Urrirarte behintzat. Diskoiraa taldeak Tailandia, Indonesia, Malasia eta Singapur aldean egin behar duen hilabeteko biraren ondorioaz, ez dugu saiorik egingo Irailerarte.
Biharko saioan, hortaz, Krixpin, B Jauna eta Lagun Izoztua egongo gara sudurraren puntan jartzen zaigun musika zaratatsua ipintzen. Ez ahaztu gaueko 21:30etatik aurrera Arraio Irratia sintonizatzea.
Egun honetako irratsaioa entzun nahi baduzue, HEMEN duzue. Playlista berriz HEMEN.
Podcast: Play in new window | Download
Atzo Putzuzulon izan genuen Belgrado taldearen lehen LPa duzue hemen. Bartzelonako Post Punk talde honek sekulako kontzertua eman zigun atzo eta nere plastiko zatia lortu ostean, hemen duzue entzun nahi baduzue.
Abestiak
01 No exit
02 Clockwise
03 In my head
04 No answer
05 Those times
06 Dead generation
07 Lies
08 Zapomnijmy
09 Kozsmar
10 Visions of massacre
Diska jeisteko, klikatu HEMEN.
Sekulako kontzertua antolatu digu Abuztuaren 27rako Zarauzko Putzuzulo Gaztetxean. Diskoiraa taldearen despedida festa izango da honakoa, Indonesia aldera biran doaz eta.
Gaueko 21:00etatik aurrera, lau talde ikusteko aukera izango duzue bertan. Lehenik, erdi Zarauztarrak diren Dictadura taldea joko du eta hauen ostean, Tolosako Lobo Electrico Punk Rock taldeak, Bartzelonako Belgrado Post Punk taldea eta amaitzeko, Mexikotik biran datozen Los Monjo.
Kontzertuaren ostean gainera, Mattingun edukiko dugu gustoko zarata jartzen gaua amaitu eta goiza iristen den bitartean.
Atzo kontu kontari ari ginela furgonetan lo hartu nuen, eta bertan esnatu naiz gaur goizean ere. Ia 12 orduko loa egin dugu gaurkoan. Nabaria da nekea badugula eta aukera dugun egunetan lo ederki egiten dugula! Gaur 3 orduko bidea besterik ez dugu beraz, lasai hartu dugu.
Columbus-era goaz gaurkoan. Bertan, beste hiru talderekin jotzen dugu. Nola ez, bidean, kontzertuko tokira iritsi aurretik, antolatzaileari mezu bat bidali diogu ea diska dendarik gomendatzen digun galdetuz. Helbide bat eman digu eta bertara joan gara. Diska batzuk erosi ostean kontzertua emango den etxera goaz, Legion Of Doom. Gure bartzelonako lagun baten laguna topatu dugu bertan, Ana, mexikarra. Taldeentzat diseñuak eta marrazkiak egiten ditu eta orain bertan bizi da. Kontzertu asko egiten dituzte etxe honetan eta pinta ona du gaurkoak. Sekulako beroa egiten du kanpoan, eta kontzertua izango den etxeko sotanoan, oraindik ere bero gehiago egiten du. Ederra baina gogorra izango da gaurkoa! Jeje. Taldeak gerturatzen hasi dira eta batzuekin hizketan, zarautzen jo zutela ohartu gara. Gu, iada, ez gara beraien aurpegiez gogoratzen baina kuriosoa da, munduko beste puntan, gure etxean jotzen aritutako jendea topatzea. Gau osoan zehar edaririk ordaindu ez zutela eta flipatzen ari zen oraindik.
Afaldu eta orduak aurrera joan arren, ez da jenderik gerturatzen ari kontzertura. Lehen taldeetako kideez gain oso jende gutxi gerturatu da. Eta guk ere horrelaxe jo dugu. 3.enak izan gara jotzen eta kontzertu nahiko tristea izan da. Dena den, kontzertuaren ostean, Zarautzen jotzen aritu ziren taldekideekin beste taberna batera joan gara. Bertan, kontzertua dago eta sekulako saioa gozatu ahal izan dugu. Espero eta ezagutu gabe Grand Father taldea ikusi dugu. Hori da hori zuzenekoa! Bikaina benetan! Billarrera partida batzuk jolasten eta palomitak jaten amaitu dugu gaua. Bihar Cleveland-era!
Zorokuadrila Abuztuak 19, Ostirala
Lanean esnatu gara gara gaurkoan. Bueno, lanerako. Ordenagailuan, eta internetez, taldeko hainbat gauza egiteko ditugu eta horiek egiteko esnatu gara. Anak, kafea egin digun bitartean, birako eta biratik bueltarako ditugun hainbat lantxo aurreratu ditugu. Clevelandera ez dugu bidai luzea (zoragarria da egun batzuetan jarraian km gutxi izatea! Jeje gaizki ohituko gara!). Cleveland-era goaz, baina noski, aurrez, atzo Columbus-en ikusi gabe utzi genuen diska denda bat ikustera goaz (gauza gutxi topatu dugu hemen).
Ez dakigu zer topatuko dugun gaur Cleveland-en. Kontzertua antolatzeko eskatu genionak ez zuen kontzertua antolatu nahi. Azkenean, bere lagun baten taldeari antolatu beharra ziola eta sartu zigun guri kartelean. Lotako eta jatekorik ez digu ematen, beraz, auskalo zer topatuko dugun. Iritsi eta berehala aurkeztu zaigu handik bueltaka dabilen gazte bat. Gure kontaktuagatik galdetu diogu eta beranduago etorriko dela esan digu, bitartean, lasai zerbait edateko eta ongi etorriak garela. Wishky-a eskaini digu edateko. Inor ez gara edatera hausartu! (jeje). Zerbeza batzuk erostera lagundu digu ondoko gasolindegira eta inorekin arazorik badugu berak babestuko digula esan digu. Ero pinta duen arren, tipo ona dugu ezagutu berri dugun Jimmy.
Skate pista bat ere badute gaurko kontzertu areto ondoan. Lagun batzuk bizi dira goian eta behean oso narratza duten kontzertu gela handi xamar bat dute. Txukuntasuna ez da estatu batuarren ezaugarrietako bat (ez guk ezagutu ditugunena behintzat! Jeje). Kontzertua antolatzen ez dago inor zehatzik. Ordenik ez dago eta bakoitzak nahi duena egin ahal duela dirudi. Guk, badaezpada, 2. jo nahi dugula esan diegu. Ez dugu nahi kontzertua izugarri luzatzerik. Nahi duguna egiteko esan digute, beraz, lehenak amaitu ostean, gure txanda iritsi da. Ez dago soinuaren arduradunik, altaboz batek bakarrik egiten du. Beraz, hasi aurretik denak txukun jarri behar izan dugu. Gure gustura jartzean ekin diogu saioari. Kontzertua kuriosoa izan da. Dena den, lehen lerroetan sekulako hutsunea sortu da. Pogo bortitzegia dantzatzen zuten 3-4 kakanarruren erruarengatik jendea atzera bota da eta horrek kontzertua hoztu du. Jendea gustura zegoen arren, astakilo horiengatik, eszenatokia eta jendearen artean tartea handiegia geratu da. Gure kontzertuaren ondorengo taldeetan hasi da zoramena. Aulkiak hegan, koltxoiak, odola,…. Sekulako gerra montatu da kontzertuan. Ez dugu oso ondo ulertzen kontzertuaz gozatzeko modu hau, baina tira, beraiei gustatzen zaiela dirudi eta gaitzerdi.
Lotako tokirik ezean, bideko motel batean lo egitea erabaki dugu. Kontzertuko tokitik ateratzean, gaztetxoak gerturatu zaizkigu kontzertua asko gustatu zaiela esaten, guztiz mozkorturik zeuden haietako batzuk. Bata furgoneta gainean, bestea ipurdia erakusten… xelebrea beste behin gaurko despedida. Eta horrelako agurraren ostean bideari ekin diogu, furgonetak zarata berezia egiten zuela ohartu garen arte. Bat-batean, furgonetako temperatura izugarri igo dela ohartu gara eta bide bazterrean geratu behar izan dugu. Pixkat aztertu ostean, furgonetak ez izozteko likidoa eta ura galtzen duela ohartu gara, beraz, radiadorea berotu egiten da. Ahal dugun moduan motelera iritsi eta lotara goaz, bihar goizean goiz tailerrera joateko planarekin.
Bira amaitzen eta abentura hasten Abuztuak 20 Larunbata
Goizeko zortzietan, gosaldu, eta tailer baten bila abiatu gara. Furgonetaren egoeraz, eta birako azken 3 kontzertuen kezkarekin, bagoaz topatu dugun lehen tailerrera. Radiadoreak konpontzen dituzten bat topatu dugu lehen (hoixe behar dugu), baina itxita dago, beraz, beste batera joan beharko gara. Bigarrena ere itxita, hirugarrenak 24 orduko emergentzi zerbitzua duen arren, gurpilak bakarrik aldatzen ditu. Azkenean, laugarrena topatu dugu irekita. Furgonetak ezin ditu kilometro asko egin eta minutu gutxiro gelditu beharra dugu ura botatzera. Baina 4.ean ere ezin konpondu. Lan asko dutela eta… beste batera bidali gaituzte. Baina oraingoan gruaz joan behar izan gara. Honek, konponduko digula esan digu, baina 1000 dolarren truke. Uraren bonba aldatu behar duela eta horretarako 7 orduko lana duela motor guztia desmontatzeko. Sekulako kolpea izan da hau guretzat. Bira bukatzeko oso gutxi falta zaigunean hau gertatzea tristea da (lehenago gertatu izana tristeago izango zen arren), beraz, aukera guztiak aztertzen hasi gara.
Orduak pasa ditugu aukera ezberdinak aztertzen. Batzuk saiatu eta ez dira suertatu. Aurreko urtean, Europako biran, Italian furgoneta puskatu eta birako kontzertu osoak galdu genituen eta antzeko sentsazioak etorri zaizkigu momentutan. Baina iraganeko mamuei kaña eman behar zaie eta dei asko eta buelta askoren ostean, aurrera egitea lortu dugu! Buffalo eta Pitsburg-en ditugun kontzertuetarako kotxe bat alkilatu, ondoren furgoneta saltzen saiatu eta beste furgoneta batekin egingo dugu New York-erako bidaia. Garestiago aterako zaigun arren, kontzertu denak ematea lortuko dugu. Beraz, aurrera jarraitzen dugu! Humilitatek eta birak aurrera darrai.
Pittsburg-era, berandu, baina iritsi gara. Kotxean kitarrak bakarrik sartu ahal izan ditugu beraz, bertakoek utziko dizkigute gauza guztiak. Dena gaizki atera zaigula zirudien egun honetan, gauzak aldatzen hasi dira. Areto eder batean dugu kontzertua eta Riki, antolatzailea, eta bere lagunak, sekulako lagunak egin ditugu. Kontzertuan jende piloa elkartu da. Kontzertu oso ona eman dugu eta jendeari ikaragarri gustatu zaio. CD asko saldu ditugu eta gainera biharko kontzertu bat lortu dugu! Errazena, bidean geratu, eta birako azken kontzertu hauek ahaztu eta furgonetaz kezkatzea zen arren, bide zailak, emaitza bikainak eman dizkigu. Biderik errazenak iada ezagutzen duzunera eramaten zaitu eta gustura gaude hartutako erabakiaz. Rikiren etxean kontu kontari agurtu dugu eguna. Irripartsu eta gustura.
Riki handia Abuztuak 21, igandea
Sekulako laguna egin dugu Riki. Pancake taldearekin izan zen zarautzen jotzen. Atzo, Plastered Bastard, bere beste taldearekin jo genuen eta sekulako arrera egin digu bere etxean. Maitasun handiarekin zaindu gaitu. Asko eskertzen da bidean horrelako lagunak topatzea. Gainera, gaur, kontzerturik ez genuen, eta berak bere taldearekin zuen kontzertuan sartzea lortu digu. Aupa hi rediox!
Eguna lasai pasa dugu bere etxean, buruhauste guztien ostean deskantsu pixkat merezi genuen. Dena den, furgonetarekin zer egingo dugunaren kezka gainetik kendu ezinean gabiltza.
Pitsburg ezagutzen dugula esateko, erdigunera ere gerturatu gara, osteratxo bat egin dugu eta zer topatuko kaleetan eta Batman pelikularen azken bertsioaren grabaketa ikusi dugu. Batmobil eta guzti.
Areto handi bat duen taberna batean dugu gaur kontzertua. Iritsi eta tokiaren handitasunak harritu gaitu. Texas-ko talde “ezagun” batekin joko dugu, Krum Burms. Jende askok ezagutzen omen du taldea eta jendea gerturatzea espero dute. Dena den, ezin ahaztu, igandea dela. Iada, gustua hartu diogun, billarrean jolasten jardun gara pixkat. Lehen taldea hasi denean aho bete hortz geratu gara. Virginiatik zetorren bikotea bat hasi da kontzertuarekin. Distortsio eta efektu bereziz zikindutako gitarra akustiko bat eta base programatu batzuek nahasten zituzten. Oso arraroa izateaz gain, ez zaigu batere gustatu. Ondoren Plastered Bastard-ek kontzertu bikaina eman du beste behin. Guk, agian, birako kontzerturik exkaxena eman dugu. Utzi diguten materiala dela eta oso arraro sentitu gara denok eta ez dugu bat ere gozatu. Texasko taldeataz ere gehiago espero genuen. Thrash gehiago izango zutela uste genuen baina nahiko musika monotonoa egiten zuten. Pertsonalitate gutxikoa bezala. Azkenean, Rikiren etxera joan gara berriz. Bihar, goizeko 8etan jaikiko gara Niagarako kataratak ikustera, eta hala ere, goizeko 5ak arte egon gara kontu kontari. Handia benetan Riki!
Niagara Abuztuak 22, astelehena
Buffalon dugu kontzertua eta Niagarako ur jauzi ezagunak ondoan daudela aprobetxatuz, bertara gerturatu gara goizean goiz. Atzo esan ziguten espero baino txikiagoak irudituko zitzaizkigula ur jauziak. Egia esan, ez zaizkigu hain txikiak iruditu, baina naturaz inguratuta espero genituen eta inguruan sortu duten hiria eta turismo azpiegitura ez zaigu batere gustatu.
Buffalon, txinatar buffet batean bazkaldu dugu (bai, beste behin), eta postrea jaten ari ginela, ondoan genuen gizon batek, zein hizkuntza hitz egiten genuen galdetu digu. Euskaldunak garela azaldu eta bere aitona galiziarra zela esan digu. Honen ostean, gure bazkaria, berak ordainduko zuela esan eta postrea alaitu digu (behin esan diogu ez zegoela ordaintzeko beharrik, bigarrenean iada onartu dugu, jeje)
Sekulako jendetza elkartu da kontzertuko etxe kanpoan kontzertua hasi aurretik. Astelehena da eta hau harrigarria da. Weekend Nachos-ekin jotzen dugu. Relapse disketxearekin ateratzen dute eta espero genuen jende pixkat elkartzea. Baina ez horrenbeste. Urrian Etengabeko Zarata, Donostiko zarata jaialdian, parte hartzen dute eta beraiek ikusteko irrikaz gaude. Beraien bidez lortu dugu kontzertu hau eta gu izan gara gaurkoan kontzertua irekitzen arduradunak. Kontzertu bikaina eman dugu gainera. Atzokoa eta gero eskertzen da horrelako saio bat. Ondoren, gainontzeko taldeak ikusten egon gara. Weekend Nachos izan da gehien gustatu zaiguna. Sekulako eromena sortu dute jendearen artean. Zaila zen jendartean egotea kolperik jaso gabe. Beraien dirutik ere apur bat eman digute bideari ekiteko eta horrelako keinuek asko esaten dute beraiei buruz. Urrian, larratxoko kultur etxean izango dira, beraz, ez galdu zuzenean ikusteko aukera.
Oporretara Abuztuak 24, asteartea
Goizeko 6ak dira iratzargailuak esnatu gaituenean. Ohiora itzuli behar dugu. Alokatutako autoa itzuli, furgoneta bat alokatu Clevelanden, furgoneta izorratuta dugun tokira joan. Furgonetan dugun materialaren zati bat musika denda batean saldu, furgonetara itzuli, hau saldu, gainontzeko gauzak hartu, eta Brooklyn-en egon beharra dugu 23ak aurretik. Egun luzea dugu aurretik, beraz, egurra!
Autoa utzi eta furgoneta alokatzeko arazoak izan ditugu. Daudenak txikiegiak dira eta gauzak eramateko tokiz oso justu ibiliko gara. Denbora aurrera doa, baina, azkenean topatu dugu balioko digun bat. Uste baina garestiago, baina topatu dugu. Materiala saltzea ere lortu dugu. Nahi baino merkeago, baina tira, gainetik kendu dugu. Furgoneta saltzean hasi dira arazoak. Zorionekoak izan gara, izorratu zaigun tailerrekoak erosi nahi digulako (noski, konponketa txiki batekin furgoneta berria du gizonak). Baina gure egoera ezagutzen du eta badaki azkar saltzeko beharra dugula, beraz, huskeria bat eskaini digu furgonetagatik. Onartu besterik ez zaigu geratzen beraz, aurrera. Papeleoak egitean ere gauzak aldrebestu dira, uste baina zailagoa da, eta New Jersey-ra joan beharko dugu bihar papeleo kontu batzuk egitera. Denborak aurrera egiten jarraitzen du. Azkenean, lortu dugu bideari ekitea. Nahi baino 4 ordu beranduago baina bagoaz. 700 km aurretik. New Yorkera iristeko. Geldialdirik egiteko aukerarik gabe. Baina, gauzak konfiantzaz eta umorez egitean, lortu egiten dira, eta 23etako Brooklyn-en gaude. Bira egiteko utzi ziguten bateria eta baxuaren pantalla itzultzeko orduan!
Ondoren, furgoneta ustera joan gara JFK aireportura, eta handik metroan etxera. Manhattango etxera. Goizeko 3an dira. Esnatu garenetik 21 ordu pasa dira. Erlojuaren kontra egin ditugun 21 ordu. Kezka, buru hauste eta historio pila bat bitarteko. Abentura. Baina, txukun egin ditugu gauzak eta gure artean umore ona mantendu dugu (ez da gutxi!! Aupa gu!!). Dena den, oraindik ere azken pausu bat geratzen da bira ixteko. Bihar, goizean, New Jersey-ra joan beharra dugu papeleoekin bukatzeko, eta orduan 3 egunetako oporrak hasiko ditugu. Etxera itzuli aurretik New York-en izango ditugun oporrak. Eta hegaldia hartu aurreko gauean despedida kontzertua. 49.ena. Ez dugu lortu 50 kontzertu ematea (jeje). Baina bi hilabeteetan 49 ez da makala gero! Benetan gustura gaude egindakoarekin. Sekulakoa izan dela uste dugu. Baina, hau ere, denborarekin baloratzen ikasiko dugu. Orain, biharko papeleoa bukatzea dugu buruan, eta pare bat egunez, NY-n oporrez gozatzea!
Ezin guztiz bukatu Abuztuak 25, asteazkena
Esanda bezala, gaur papeleo guztiekin bukatu nahi dugu. Eta helburu horrekin esnatu, dutxatu eta atera gara New Jersey aldera. Bertan elkartu gara Marianarekin. Bira hasieran azaldu genizuen zein zen Mariana. Kasualitatez ezagutu genuen lagun venezolarra. Kotxeko paper guztiak eta asegurua egiten lagundu ziguna. Ezin da azaldu neska honek gugatik egin duena. Aseguru etxe batean lan egiten du eta bere izenean jarri zuen furgoneta eta aseguru faltsu bat egin zigun. Bidean, zerbait pasa eskero, bera izango zen marroia jango zuena, eta hala ere guri laguntzera animatu zen. Eta oraindik hemen dago guri laguntzen. Diska oso bat egingo diogula esan diogu. Hori eta gehiago ere merezi du gure Marianak!
Munduko toki guztietan bezala, hemen ere, burokrazia ez da erraza. Berehala esan digute egin nahi duguna egiteko papel batzuk falta direla. Baina berriz, Mariana gure aingeru guardakoa atera da. Furgoneta erosi genion Lituaniarrari deitu, orain furgoneta erosi nahi digunari deitu eta dena bere gain usteko esan digu. Egun hauez gozatu eta lasai joateko etxera, bera arduratuko dela denataz. Eta gainera larunbaterako despedida kontzertua topatu digu New Jersey-n…. Eskerrak datorren urtean Euskal Herrira bisitan etorri nahi duen eta orduan berak eman digun laguntza guztia itzuli ahalko diogun!!
Beraz, orain pare bat egun NYetaz gozatzea geratzen da. 100% oporrak! Beraz, oraingoz hemen bukatzen da egunerokoa. Azken kontzertua eta hegaldiaren ostean agur ofiziala izango den arren. Egun batzuetarako deskantsua dugu orain (bi egun besteri ez , baina tira… jeje). Hoixe ba, azken kapitulua iritsi bitartean, muxu bana danoi!
Gaur asteartea izanik, ZarataZarautz saio bikain bat edukiko dugu, nola ez!!! Gaurkoan ordea, Lagun Izoztuaren partaidetza zalantzan egongo da kontzertu heavy baten ondorioz.
Gaurkoan, asteazkenean eta larunbatean Zarautzen egongo diren kontzertuez mintzatuko gara eta denbora badugu nobedade berri batzuez ere jardungo gara. Gogoratu Arraio Irratia sintonizatzea, gaueko 21:30etatik aurrera.
Barealdian ostean, Ekaitza! Abuztuak 15, astelehena
Atzoko disgustoa ahaztuta, umorez jaiki gara gaurkoan ere. Une txarrak, une onak bizitzen ahazten direla erakutsi zidan aspaldi lagun batek, eta gaur kontzertua dugu Lexington-en beraz, errepideari ekin beharko.
Berehala iritsi gara bertara, hainbeste ordu eginez egunean, gaurkoa bezalako ibilbide motzak tita egiten dira. Eguardia baino lehen bertan gauden, beraz, kasualitatez topatu dugun liburu denda bat bisitatu eta bufet txinatar batera goaz bazkaltzera. Beranduegi deskubritu ditugu bufet hauek. Merkeak, janari goxoa, aukera begetariano zabala, eta oso merkeak. Beraz, GPS-an “china buffet” jarri eta bagoaz bazkaltzera. Orain arteko buffetik ederrena topatu dugu gaurkoan. Sekulako aukera! Jateko ansia kontrolatu eta lasai lasai sekulako platerka pila jan dugu. Presarik gabe gabiltza gainera gaurkoan eta lasai jatea gauza handia da. Estatu Batuarrek oraindik ikasteko duten ikasgaia. Beste ezer egin gabe, lasai jatea, eta jatearen ekintzaz gozatzea. Beti beste zerbait egiten jaten dute, edo norabaitera bidean. Hori ez da osasungarria.
Arratsaldean, kafetxo bat eta kontzertua dugun etxera joan gara. House show dugu gaurkoan. Ongi etorri irribartsua egin digute iristean eta etxea erakutsi digute. Salatxo txiki batean joko dugu gaurkoan. Gure entsegu gela baina askoz ere gela txikiago batean. Kuriosoa behintzat izango da. Inoiz elkarrekin ensaiatu ez duten hirukote batek hasi du kontzertua. 3 “kantu”-ko errepertorioarekin amaitu dute kontzertua. Kuriosoa hauek eman duten zuzenekoa. Ez zaigu batere gustatu, baina tira. Bigarrenak, herriko gazte batzuk izan dira. Hirukoteak kontzertu txukuna eman du. Thrash eta heavy metal zaharra nahasten zituzten punx estilora. Hirugarrenak izan dira ordurarteko txukunenak. Bolumen aldetik gitarra eta baxua gure gusturako baxuegi zeuden, eta horrek ez zuen doinuak garbi ulertzea laguntzen. 20 lagun sartuko dira gehienez gelan. Beroa goraka doa. Gure ekipoa prestatu dugunerako gela goraino beteta dago. Batzuek ondoko geletako ateetatik begiratzen dute ahal duten moduan. Doinu oso mantso batekin ekin diogu zerrendari gaurkoan (bai, egunero kantu zerrenda aldatzen jarraitzen dugu, jeje), buruak astintzen dabiltza ikusleak, ez dago ezer gehiago mugitzeko aukerarik (edo hori uste dugu). Lehen bateri kolpe azkarrekin hasi da zoramena. Inork mugitzeko tokirik ez zuela uste genuenean, batzuk saltaka hasi eta denak dantzan hasi dira ero moduan. Abeslariak bateriaren platoen kontra, ni ampliari pegatuta eta jendea zoro moduan dantzan. Platoak erortzen, abeslariak ezin abestu… sekulako saioa izan da. Graduek gora egin dute eta baita ikusleren batek ere besteen gainetik. Sinestesina izan da, nire etxeko sala baino txikiagoa zen gela horretan egin den festa.
Jende jator askoa topatu dugu gaurkoan ere. Taberna batera gonbidatu gaituzte zerbait hartzera, baina leher eginda gaude, eta etxean geratu gara lasai lasai. Ni izan naiz lehena lotan, besteak “el senor de los anillos” ingelesez ikusten geratu direlarik.
Indianapolis Abuztuak 16, asteartea
Pingo katuaren miazkadek esnatu naute. Nire ondoan zebilen jolasteko gogoekin. Mimo batzuk egin eta jolasten jarraitu nahi zuen, nik ordea lo egin, azkenean, nire ondoan etzan eta biok lo geratu gara. Pingoren ama etorri da hurrena, honek iada ez dit lotan utzi, beraz, esnatu beharko.
3 ordu besterik ez ditugu gaurkoan. Kuriosoa da, etxean gaudenean, zaragozara joatea bide “luzea” egiten zaigu. Biran aldiz, 3 orduko bidea ez da deus. Egunero hainbeste kilometro egiten ohitu egiten da bat. Indianapolisen, ezer berezia ikusteko gogorik ez dugunez, lasai hartu dugu gaurkoa. Atzoko buffet txinatarrera joan gara berriz, sekulako janaldia egin dugu gaurkoan ere eta bideari ekin diogu. The Dogdo aretora iritsi gara zuzenean. Hitzordurako iritsi garen arren, kontzertua beranduago izango dela aipatu digute beraz, diska denda bat ikusteko aprobetxatu dugu (la cabra siempre tira pal monte). Berriz, 8etarako aretora joan eta berehala hasi da kontzertua. Rat stone taldeak ekin dio kontzertuari, hardcore oso azkarra egiten duen talde honek kontzertu bikaina eman du. Emakume ahots gordinarekin zipriztintzen zituzten abiada bizian zapaldutako hc doinuak. Ondoren gure txanda izan da. Jendea gertu sentitu dugu, eta dantzarik ere izan da. Kontzertu bikaina izan delakoan gaude, sentsazio oso onekin bukatu dugu eta jendea eskerrak ematera gerturatu da. 42.kontzertua dugu biran! Eta nabari da jotzerako orduan. Caotic neutral taldeak bukatu du festia. Hauek hc klasikoagoa egin dute. Oso ondo egin ere. Micah, antolatzaileak, bertan abeste du eta gustura ikusi ditugu. Micah beraren etxera gindoazen lotara, baina, baxulariak, bere etxea handiagoa dela eta ez dela bere amarekin bizi esan eta berera eraman gaitu. Zoragarria da hemen jendea erakusten ari zaigun eskuzabaltasuna! Bihar, Jackson-en joko dugu, Michigango estatuan, baina aurrez, Detroit ikustera joan nahi dugu. Dekadentziak jan duen hiria. Etxe abandonatuak eta naturak berriz bere tokia irabazten saiatzen ari den hiria. Mad Max!
Detroit eta Jacksongo hippiak Abuztuak 17, asteazkena
Egunkari batean irakurri genuen birara etorri aurretik, Detroit, “motor city”, dekadentzian dagoela. Garai batean, motorraren industria gorenenean zenean, sekulako hazkundea izan zuen hiria, orain gainberan da. Japonesak, industrian sartzearekin hasi zen gainbera, gaur egun 3 etxeetatik ia bi hutsak daude. Auzo askotan, etxeen barrutan zuhaitzak eta dena hasi dira. Natura bere lekua eskatzen jardungo balitz bezala. Honek, atentzioa deitu zigun eta hau ezagutzeko gogoz Detroitera joateko plana egina dugu. Indianapolisen, hain ondo zaindu gaituzten etxean, gure lagunak agurtu eta bideari ekin diogu. 4 orduko ibilbidea dugu eta aurretik.
Arranopola Kultur ekimenak 25 urte beteko ditu laister eta hau ospatzeko sekulako festa antolatu dute Zarauzko Arrano tabernan. Abuztuaren 24ean, asteazkenean, urte guzti hauetan tabernan jo duten talde batzuk ariko dira.
Bertan, Metralleta, Dictadura, Diskoiraa, Txixaparrazta, Hilkar, Lopeor, Mor More eta beste hainbat talde, bakarlari eta sorpresa izango dira arratsaldeko 18:00etatik aurrera.
