Aste honetako ZarataZarautz irratsaioan, entzule fin eta saioaren kolaboratzaile den Disgalerna edukiko dugu. Beti bezala, gustoko zarata eta nobedadeak ekarriko dizkigu Arraio Irratiko uhin libreetara. Beraz, entzun gaitzazu FM edo internet bidez.
Otsailaren 17an, astelehenean, Hardcore kontzertu itzela edukiko dugu Zarauzko Putzuzulo Gaztetxean. Bertan, Zarauztarrak diren eta aspaldian jo ez duten Ernia eta biran datozen Youth Violence Hungriarrak edukiko ditugu. Kontzertua, beti bezala, gaueko 21:30etan hasiko da eta 23:00etarako amaitua egon beharko du. Beraz, etorri nahi duzuenok puntual ibili mesedez.
Asteartero bezala ZarataZarautz irratsaioa edukiko dugu Arraio Irratiko uhin libreetatik. Gaurkoan gainera gonbidatua izango dugu, aurretik gurean izan den Txaf etorriko zaigu eta San Valentin eguna gertu dela eta maitasun abestiak jarriko ditu gurean. Gogoratu zita zaratatsua duzuela gaur, 21:30etatik aurrera.
Atzoko Playlista HEMEN duzue. Saioa berriz podcastean.
Diskoiraa taldearen Nasi Goreng Adiktion dokumentala Euskal Herriko Gaztetxe eta txoko ezberdinetan proiektatuko dugu. Internetera igoko ez dugunez, herri edo hiri ezberdinetan ematea okurritu zitzaigun eta otsaila eta martxo artean ikusgai izango duzue. Gasteiz edo Araga aldean ere saiatu gara egun bat lortzen baina oraingoz ez dugu ezer lortu.
Hemen datak:
Otsailak 20, osteguna, 19:030etan–> Donostiako Gros auzoko Kortxoenea Gaztetxean.
Otsailak 27, osteguna, 19:00etan–> Bergarako Gaztetxean.
Martxoak 6, osteguna–> Urretxu-Zumarragako Gaztetxean.
Martxoak 13, osteguna–> Orioko Etxeluze Gaztetxean.
Getarian, astearte honetan izango den kontzertuaren ondorioz ez dugu ZarataZarautz irratsaiorik egingo. Gaztetxean bertan Gaitze eta The Extranged taldeek joko dute eta saioa egiten dugunok bertan egongo gara. Beraz, datorren astean itzuliko gara zuen belarriak zulatzeko gogoz!!
Defenestre Fest jaialdiak utzi digun iltzeari aurre egiteko, beste ZarataZarautz irratsaio bat edukiko dugu astearte honetan. Gonbidaturik ez dugu izango baina betiko hirukotearen biniloak ziztatzen jardungo gara ordu eta erdiz, beti bezala, Arraio Irratiko uhin libreetan eta internet bidez.
Atzoko saioa podcastean duzue. Playlista berriz HEMEN.
Managaitz Zarauztarrek, Putzuzulon egingo den IV. Defenestre Fest jaialdian joko du. Arratsaldeko 18:00etatik aurrera (PUNTUAL!!!) 12 talde edukiko ditugu bi oholtzetan banatuta. Kontzertuaren ostean DJak ere izango dira eta sarrera 10 eeuurokoa izango da. Jarraian duzue talde guztien informazioa:
ADRENALIZED (Donosti)–> http://adrenalized.bandcamp.com/
BATAÄLLA (Salamanca)–> http://bataalla.bandcamp.com/
GAITZE (Azpeitia)–> http://elektrikagrabaketak.bandcamp.com/album/gaitze
GASMASK TERRÖR (Bordeaux)–> http://gasmaskterror.bandcamp.com/
MÄNÄGÄITZ (Zarautz)–> http://www.zaratazarautz.eus/managaitz/
MASS BURIAL (Burgos)–> http://www.youtube.com/watch?v=BbR4kqQICgk&noredirect=1
MORSE (León)–> http://morsehc.bandcamp.com/
NASHGUL (Corunha)–> http://www.nashgul.com/
PERRÄS SALVAJES (Madrid)–> http://perrassalvajes.bandcamp.com/
REDNECK SURFERS (Salamanca)–> http://rednecksurfers.bandcamp.com/
+
WE LOVE DOLCE VITA DJ (Bilbao)–> https://www.facebook.com/WeLoveDolceVita
RUFUS DJ (Bilbao)
EL NATURISTA DJ (Donosti)
Aste honetako ZarataZarautz saioan, Putzuzulo Gaztetxean ospatuko den Defenestre Fest IV jaialdiaz jardungo gara. Aurten ere, 12 talde zaratatsuren doinuak entzun ahalko dira, eta hauei errepasoa egingo diegu, antolatzaile batzuei elkarrizketa barne. Eta beti bezala, aste honetako agendari ere errepasoa emango diogu gaueko 21:30etatik aurrera, Arraio Irratiko uhin libreetan eta internet bidez.
Atzoko irratsaioa podcastean duzue. Playlista berriz HEMEN.
Ostiral honetan, urtarrilaren 17an, Hardcore kontzertu itzela edukiko dugu Zarauzko Dictadura eta Metralleta, Bilboaldeko Crimental eta Holandatik datozen Vitamin X taldearekin.
Holandarrak, 1997. urtean ekin zion ibilbideari, urteetan zehar Europako txoko askotan jotzeaz gain, Japon, Australia, Estatu Batuak eta Hego Amerikan ere izan dira kontzertuak ematen. Full Scale Assault diskoa 2008an Chicagon grabatua zuten Steve Albiniren bitartez. Bertan, Negative Approach taldeko John Brannonek hartu zuen parte eta Baroness taldeko Jon Baizleyk egin zituen diseinuak.
Dictadura taldeak gainera bira txiki bat egingo du beraiekin eta ostegunean Madriden izango dira. Honez gain, larunbatean ere Bartzelonan joko dute.
Aste honetan ere beste ZarataZarautz interesgarri bat edukiko dugu Arraio Irratian. Gonbidaturik ez dugu izango baina hirukoteak beraien nobedade berriak ekarriko dituzte. Gainera, B Jaunaren urtebetetzeak ospatuko ditugu beti bezala, gaueko 21:30etatik aurrera FMko 99.3an edo internet bidez.
Atzo egin genuen saio bikaina podcastean duzue. Playlista berriz HEMEN.