Datozen egunak oso mugituak edukiko ditugu gurean eta hau dena mezu honen bidez laburbiltzen saiatuko gara.

Lehenik eta behin Orioko Gaztetxera joango gara. Bertan, Apirilaren 1ean, ostiralean,  sekulako kontzertua antolatu dute eta. Zarauztik, Diskoiraa eta Erantzuneko lagunak hurbilduko dira Oriokoak diren Citizen Kane, Donostiako Los Santos eta Urretxuko Zaborra taldearekin batera jotzera.

Apirilaren 2an, larunbatean, Zarauzko Putzuzulo Gaztetxera joango gara, bertan hiru talderen kontzertua izango dugu eta. Gaueko 21:30etatik aurrera, Zarauzko MKT eta iparraldetik datozen Willis Drummond eta George Abitol Sex Toy Academy edukiko ditugu.

Kontzertuekin jarraituz, Apirilaren 4ean, astelehenean sekulako Crust kontzertua edukiko dugu Putzuzulon. Bertan, Alemaniatik datozen Gun mob eta Hellborn messiah taldeak edukiko ditugu. Kontzertua 21:00etan hasiko da.

Eta Putzuzuloko kontzertuekin amaitzeko, datorren egunean, Apirilaren 5ean alegia, hiru talderen saioa edukiko dugu. Oraingoan, Donostiako Hell Division, Bartzelonako Gattus eta Nailbiter Ingelesak edukiko ditugu.

Asteburua gertu dago eta Zarauzko zarata taldeek kontzertuak izango dituzte egun hauetan.

Hasteko, estreineko kontzertua edukiko duen talde berri batekin hasiko gara. Martxoaren 24ean, ostegunean, Ernia taldearen estreinekoa edukiko dugu Trintxerpeko Mogambo Aretoan. Anestesia eta Metralleta taldeetan ibilitzen diren jendeaz osaturiko formazio berria dugu honakoa eta Mogambon lehen astinduak emango dituzte. Beraiekin batera, Asturiastik datozen Gobierno Militar taldeak ere joko du.

Honez gain, Martxoaren 26an ere beste kontzertu interesgarri bat edukiko dugu Irungo La Casita Gaztetxean. Bertan, Zarauzko Humilitate, Surfin Kaos, Memo eta Estricalla taldeek joko dute.

Eta amaitzeko, Martxoaren 27an, igandean, kontzertu oso interesgarria edukiko dugu Zarauzko Putzuzulon.  Arratsaldeko 18:00etatik aurrera, Orioko Citizen Kane, Zarauzko Diskoiraa eta Bartzelonatik datozen Absurdo eta Ingalaterrako The Shitty Limits taldeek joko dute.

MARTXOAK 18, OSTIRALA
ANDOAINGO GAZTETXEAN
22:30etan

MOSTROS
Mallorcatik datoz, taldekide batzuk argentinarrak diren arren, eta haien artean Juanmi dago, Cerebros Exprimidos taldeko gitarra jotzailea. Punk rock indartsu eta sutsua egiten dute, Aerobitch eta Capacesen erdibidean, rockanrolleroagoak batzuetan, hardcoretik gertuago beste batzuetan, baina beti fresko bezain gogor eta Mackyren ahotsak gidatuta. Hainbat disko plazaratu dituzte (azkena, Desguaze taldearekin erdibana ateratako split bat), eta Euskal Herrian jo duten bakoitzean, ahoa bete hortz utzi dituzte ikusle guztiak, oraingoan asmo horrekin egingo dute berriro irletatik barakaldorainoko hegalaldia.

HUMILITATE
Zarautzetik, Humilitate taldea gerturatuko da Hardcore eta trash musika jorratuz. Azken boladan emanaldi ugari eskaintzen ari da taldea, eta udarari begira Estatu Batuetarako bira prestatzen ari dira. Orain arte cd bat kaleratu dute eta bi bira egin dituzte europan zehar. Aurrez, Erantzun, Ira et decessus, Trigger travis, Burux lee,.. eta beste hainbat taldeetan aritutako lagunak 3.aldiz izango ditugu andoainen zuzenean.

Aste honetako astearte zaratatsuan, Extreme Noise Terror taldeko Phil Vane ekarriko dugu gogora. Bidean gelditu zaigun kantariaren ibilbideari errepasoa egingo diogu. Honez gain, azken aldian lortu ditugun nobedadeak ere entzungai izango dituzue, Gobierno Militar, Ruleta Rusa edota Belgrado bezala taldeak entzun ahalko dira.

Gogoratu zita zaratatsu bat duzuela astearte honetan 21:30etatik aurrera. Eta Zarautzen ez bazaudete internet bidez ere entzun dezakezuela HEMEN klik eginaz.

Beste astebukaera luze bat dator Zarauzko zarata talde askorentzat. Esate baterako, Amurrioko La Kuadra etxean ospatuko den DefenestreFest jaialdian, Metralleta, Diskoiraa eta Humilitate taldeak joko dute. Metralletako lagunak, ostiralean (alegia gaur) jardungo dira eta Diskoiraa eta Humititatekoak berriz larunbatean. Bertan, penintsulako beste 20 bat taldek ere joko dute.

Igandean berriz, Moganbo aretora joateko txanda izango da. Bertan, Dictadura taldeak joko du eta State Poison Frantziarrekin eta Ali Agca, Bartzelonan finkaturik dauden Poloniarrekin.

Zarauzko BURUX LEEtarren azken kontzertua izango dugu larunbat honetan putzuzulon.
merezi duten festa eskaini nahi diegu beraien agurrean beraz, ahalik eta jende gehien elkartzea gustatuko litzaiguke larunbatean izango dugun festan.

22:00etan , PUTZUZULO AMETS FABRIKAN, kontzertu ostean amaierarik gabeko festa!!

Donostiako AHT-ren aurkako taldearen erresistentzi kutxarako kontzertua egongo da Mogambon, otsailaren 12an, larunbatean, gaueko 22:00etatik aurrera.

Bertan, Zarauzko Metralleta, Diskoiraa eta Erantzun taldeak egongo dira Urretxu-Zumarragako Zaborra taldearekin batera. Eta kontzertuaren ostean, Urko eta Terroriker DJak izango ditugu.


AHTrik EZ eta KITTO!!

Astebukaera honetan ere zer ikusi eta entzun edukiko duzue, Zarauzko zarata taldeei dagokionez behintzat.

Hasteko, Otsailaren 4ean, ostiralean, Erantzun eta Humilitate taldeak ikusteko aukera egongo da Baionako Kixkil ostatuan.

Honez gain,  igande zaratatsu bikain bat edukiko dugu Otsailaren 6an Zarauzko Putzuzulo Gaztetxean. Arratsaldeko 18:00etatik aurrera, Zarauzko Metralleta, Donostialdeko Iron Batasuna , Brasilgo Cativerio eta Bartzelonako Crani Septic taldeak edukiko ditugu oholtza gainean.

URTARRILAK 28, OSTIRALA  22:30ETAN ZARAUZKO GAZTETXIAN
K-PUTXA eta PIZTU EKAITZA fanzineen aurkezpen kontzertua!
JAN + ODOLAZ BLAI
(hc-punk talde mitikoa sodupetik) (zallatik hc-metalaren aurpegirik bortitzena)

URTARRILAK 29, LARUNBATA  16:30ETAN GETAIKO GAZTETXIAN
zarauzko talde zaratatsuen kontzertua!
HUMILITATE + METRALLETA + HILKAR + INTRO
(Hc-thrahs azkarra)                                  (powerviolence bortitza)              (ondo indako hardcorea) (punk eta ska nahasketa)

URTARRILAK 29, LARUNBATA 22:30ETAN ORBEKO ETXEA, LAUDIO
HUMILITATE + beste bi talde

URTARRILAK 29, LARUNBATA 22:00ETAN PUTZUZULO GAZTETXEAN
SURFIN KAOS + DISCIPULOS DE DIONISOS + LOS SANTOS

Humilitate talde Zarauztarrak Markinako Akerbeltz Gaztetxean joko du bihar, Urtarrilaren 15ean. Beraiekin batera, Bermeoko Powerflip taldeak joko du.