Archive for the ‘Burux Lee’ Category

Kontzertu gehiago ditugu astebukaera honetarako

Asteazkena, martxoa 10th, 2010

Beste bi kontzertu interesgarri ditugu larunbat honetarako, Martxoaren 13rako. Lehena Zarauzko Putzuzulo Gaztetxean izango dugu. Bertan, Amurrio aldetik datozen FABRIKA DE IDIOTAS, Hardcore gordina lantzen duen taldea. Jarraian Zallatik, Hardcore melodiko azeleratua eskeiniko digute NO KOMPLY taldeko gazteek. Azkenik, Harlore taldean ibilitako Iñigo eta Lander anaiek osatu duten talde berriaren estrenaildia edukiko dugu zuzenean, IHES NAIZ izena dute eta Punk-Rock melodiko india jorratzen dute.

martxoak_13

Honez gain, Andoaingo Gaztetxean ere zer ikusi eta entzun egongo da. Bertan, gaueko 22:00etatik aurrera Oriyotarrak diren Arrautz Ustelak eta Zarauztarrak diren Ulu eta Burux Lee taldeek joko dute. Gainera, gauari amaiera emateko DJ iñarras egongo da musika jartzen.

karteluluandoain

Kontzertu gehiago ditugu astebukaera honetarako

Osteguna, otsaila 25th, 2010

Kontzertu askotxo izango dituzte astebukaera honetan Zarauzko talde batzuek, bai hemen inguruan eta baita Espainiar Estatuan ere. Kanpora aterako direnak, Humilitate eta Burux Lee taldeak izango dira. Lehenak, Burgosen ariko dira ostiral honetan, Otsailaren 26an eta Otsailaren 27an, larunbatean, Madrilen joko dute Gizmo Kaka Festean. Hemen, Burux Lee taldearekin elkartuko dira eta Wild Dogs eta Codia taldeekin joko dute.

gizmo_kaka

Kontzerturen bat duen beste Zarauztar taldea, Diskoiraa da. Europar bira egin baino lehen kontzerturen bat emango dute hemen inguruan. Kasu honetan, Amurrioko La Cuadra etxean izango dira Saloon Party jaialdian, larunbatean hau ere. Bertan, Raiser, Ataud eta Ametsgaizto taldeekin joko dute.

l_0543c6294cfb4060a567edec6b1d1e95

ZarataZarautz Festaz hitzegingo dugu ZarataZarautz irratsaioan

Astelehena, otsaila 15th, 2010

Otsailaren 16ko ZarataZarautz irratsaioan, Putzuzulo Gaztetxean burutuko den II. ZarataZarautz Festaz hitzegingo dugu. Ez dakizuenentzat, esan lehen bataila Lobato Etxean burutu zela. Bertan, bi eszenatokitan banatuta, Zarauzko 10 taldek joko dute, lehenik talde batek abesti bat joko du eta ondoren beste taldeak beste abesti bat. Horrela, talde bakoitzak 8 abesti joko ditu.

zaratazarautzfest_ii_10-02-19_web

II. gerra honetan parte hartuko duten taldeak Metralleta, Diskoiraa, Ulu, Erantzun, Humilitate, Inor Ez, Burux Lee, MKT, Dirtaa eta Ezereza izango dira.

Astearte honetan, talde hauetako partaide batzuk izango ditugu gonbidatu gisa, B Jauna eta Lagun Izoztuarekin batera. Beraz ez ahaztu asteartean, gaueko 21:30etatik aurrera FMko 99.3a sintonizatzea edo internet bidez entzutea.

Erantzun eta Burux Lee taldeek kontzertuak dituzte astebukaera honetan

Asteazkena, urtarrila 13th, 2010

Erantzun eta Burux Leeko lagunek kontzertuak izango dituzte datorren astebukaera honetan.

Erantzundarrak, Asturias aldera joango dira , bi egunetan zehar burutuko den Villacore 2010 jaialdian joko dute. Ostiralean joko dute Erantzundarrek Trustnothing, A.D., Inside me, Brutus eta Brigada taldeekin.

villacore2010

Burux Leek berriz, Ttan Ttakun irratiaren urteroko festan joko du. Festa hau larunbatean izango da, Urtarrilaren 16an Gasteszena aretoan, Egian. Kontzertuak eta DJak bi aretotan izango dira eta Burux Leekoek areto txikian joko dute, Rockeremuan. On Benito, Loan, Master & Servant eta DJ Naturistarekin batera ariko dira.

festa2010-kartela

Burux Leek Txarraskacore 2.0 jaialdian joko du

Ostirala, urtarrila 8th, 2010

Burux Leeko lagunek, Basauriko Txarraska Gaztetxeko Txarraskacore 2.0 jaialdian joko dute larunbat honetan, Urtarrilaren 9an.

burux

Arratsaldeko 20:30etan hasiko den kontzertuan, Zarauztarrez gain beste lau taldek joko dute. Tartean, Spandau Bullet Bilbotarrak, disko berria besazpian dutela ariko dira Basaurin. Beraiekin batera, hirikideak diren Critikers eta Kräter taldeek ere joko dute. Bertan joko duen azken taldea, Meido izango da, hauek ere Bilbotarrak.

Entzun Burux Lee taldearekin eginiko saioa

Asteazkena, azaroa 11th, 2009

Azaroaren 10ean Burux Lee taldearekin egin genuen irratsaioa entzungai dago iada. Saioaren lehen orduerdian nobedade berri batzuk entzuteko aukera izan genuen B jaunaren bitartez. Hurrengo ordubetean, Burux Leeko lagunak izan genituen Arraioko gela arroxean taldeari buruz hizketan. Diska berria, Europan zehar burututako bira eta etorkizuneko asmoez hitzegin genuen beraiekin.

burux

Irratsaioa HEMEN duzue. Egun hontako playlista berriz HEMEN.

Burux Lee taldea ZarataZarautz saioan

Astelehena, azaroa 9th, 2009

Azaroaren 10eko ZarataZarautz irratsaioan, Burux Lee taldeko kideak izango ditugu. Diska berriaren prestaketan dabiltza eta solasaldian izango ditugu honen inguruan. Bestalde udan egin zuten bira eta beste hainbat kontu ere izango ditugu beraiekin.

burux

Irratsaioa, beti bezala, gaueko 21:30etan hasiko da, Arraio irratiko 99.3an.

Etengabeko Zarata jaialdia ospatuko da astebukaera honetan

Osteguna, urria 22nd, 2009

Aurten ere, 7. Etengabeko Zarata ospatuko da astebukaera honetan. Aurten gainera formatua aldatuko du.

cartel

Aurreko urteetan ostiral eta larunbateko kontzertuak Altzako Kultur Etxean burutzen ziren. Aurten ordea, ostiraleko saioak, Trintxerpeko Mogambo Aretoan burutuko dira eta larunbatekoak berriz Altzan bertan.

Eta urtero bezala, Zarauztar talde batzuk egongo dira bertan. Ostiralean, Inor Ez eta Burux Lee taldeek joko dute eta Larunbatean berriz, Humilitateko kideak izango dira.

ZarataZarautz festa Lobato Etxean

Osteguna, iraila 24th, 2009

Irailaren 25ean, ostiralean, ZarataZarautz festa izango dugu Lezoko Lobato Etxean. Bertan, etxe okupatuaren 10. urteurrena ospatzen ari dira eta Zarauzko hainbat talderi gonbita egin die bertan jotzeko.

x_aniver_lobato_internet2

Gaueko 23:00etatik aurrera, Metralleta, Diskoiraa, Burux Lee, Humilitate, Erantzun, Dirtaa, Ezereza eta Izurderen kontzertuez gozatzeko aukera egongo da.

Kontzertua gainera berezia izango da. Bi eszenatoki egongo dira Lobaton bertan eta taldeek zarata gerra moduan joko dute, hau da, lehenik talde batek abesti bat joko du eta ondoren beste taldeak beste abesti bat.

Gauza bitxia eta ikustekoa izango da, beraz, bertara hurbiltzera gonbidatzen zaituztegu.

Humilitate vs Burux Lee European Total Harrokeriya Tour (I)

Astelehena, abuztua 3rd, 2009

Zemouz gea? holandako lurretan gaude “total harrokeriya 09 europe tour-eko” kideak. Paris ondoko Versalles hirian eman genuen lehen gaua. Gau lasaia pasa genuen bidaiko nekeak deskansatze aldera. Bertan gure Zeta Reticuli eta Revoc taldeko kideen etxean egin genuen lo aurreko alditan bezala.

Bira honetako lehen egunak turisteatzeko genituen, lehen lau egunetan kontzerturik ez baikenuen. Baina azken unean Holandako Den Bosch herriko squat batean jotzeko aukera eman ziguten eta bertara joan ginen Parisetik zuzenean. Herri polita eta kuriosoa honakoa eta Don d toll squata erraz aurkitu ostean herrian zehar paseo bat eman dugu. Kontzertua azken unean lotua izan da beraz jende gutxi espero da. gaur berean beste bi festa daude herriko beste bi squatetan beraz zaila izango da jende asko biltzea.

Kontzertuko tokia oso toki polita da. Goxoa eta txukuna. Moketa goxo batek inguratzen du lokal guztia eta akustika ikaragarria. afaldu eta kafearen ostean kontzertuari ekin diogu. ikusle askorik gabe baina oso giro polita eta lagunartekoa. Bertako jendea gustora geratu da ooso eta gu ere bai. Kontzertu honek lehen egun turistei bira honetara etorri garen arrazoia gogorarazten balio izan digu. Musikari presentzia eman lehen egun hauetan eta ampliak piztu eta sokei egurra emateko gogoa handitu digu. Baina oraingoz bi egun pasa behar ditugu amsterdamen jotzeari ekin aurretik. beraz… paseatu eta txokoak ikustera.

Amsterdamera iritsi eta berehala kokatu gara. Gustoko diutgun txokoetara jo dugu zuzenean: aurrez jotzen ibilitako bi squat eta disko denda pare bat. eta ondoren lotako tokia lotu dugu gure lagun Sanneren etxean eta berriz kalera Holandako Tipikokeriak egin eta ez hain tipikokeriak bizitzera. Barre asko egin dugu hemen kaleetan ikusten diren gauza bereziekin… giriak itxu itxu eginda eta balantzaka ikusteak badu bere grazia.

Gaur beste egun bat igaroko dugu Amsterdamen. Ekintza pare batez informatu gaituzte eta ikusi nahi dutugun pare bat museo ere baditugu agendan beraz eguna ere kompleto joango da gaurkoan. Torturaren museoa eta beste bi txoko ezagutu eta relax pixkat. Bihar manheim aldrea egingo dugu salto. 480 km Alemaniara eta musikarekin hasteko garaia izango da. kargatu, deskargatu, ampliak piztu, kableak jaso eta zarataz gozatu. mono handia dugu ampliak gauero gauero pizteko eta bihartik aurrera egunero kontzertuak ditugu. 7 kontzertu. manhein, berlin, poznam, …. baina goazen egunez egun…egun bakoitza bizitezn eta gozatzen. gaur amsterdam. bihar biharkoa.