Beste astearte zaratatsu bikain bat dugu prestatua aste honetarako ere. Otsailaren 22ko irratsaioan, Puerto Ricoko hardcore mugimenduaz mintzatuko gara gonbidatu berezi batekin, Felixekin alegia. Ordu eta erdi luzez, bertako talde mitikoez eta azken nobedadeez hitzegingo dugu.

Gogoratu, zita zaratatsu bat duzuela, astearte honetan, gaueko 21:30etatik aurrera, Putzuzulo Gaztetxean antolatu diren Memoria Historikoaren inguruko hitzaldiaren ondoren. Eta gogoratu, Zarautzen ez bazaudete internet bidez entzun dezakezuela HEMEN klik eginaz.

Zarauzko BURUX LEEtarren azken kontzertua izango dugu larunbat honetan putzuzulon.
merezi duten festa eskaini nahi diegu beraien agurrean beraz, ahalik eta jende gehien elkartzea gustatuko litzaiguke larunbatean izango dugun festan.

22:00etan , PUTZUZULO AMETS FABRIKAN, kontzertu ostean amaierarik gabeko festa!!

Atzo Citizen Kane taldeko lagunekin eginiko irratsaioa entzuteko aukera dago iada. Irratsaioa entzun nahi baduzue, HEMEN duzue. Egun horretako playlista berriz, HEMEN.

Podcast: Play in new window | Download

Otsailaren 15eko ZarataZarautz irratsaioan, Orioko Citizen Kane taldeko kideak edukiko ditugu.

Zarauzko Putzuzulo Gaztetxean hainbat aldiz jo duen taldeko kideak elkarrizketatzeko aukera edukiko dugu eta baita beraien grabazioren bat entzuteko aukera ere.

Gogoratu, galdu ezinezko zita duzuela gaur, gaueko 21:30etatik aurrera, Hala Bedi irratiko A Desalambrar irratsaioaren ostean. Eta Zarautzen ez bazaudete, internet bidez ere entzun ahalko duzue HEMEN klik eginaz.

Gaur, San Valentin eguna izateaz gain Tximasen urteak dira. ZORIONAK!!!

TXIMAS KALERA!!!!

Donostiako AHT-ren aurkako taldearen erresistentzi kutxarako kontzertua egongo da Mogambon, otsailaren 12an, larunbatean, gaueko 22:00etatik aurrera.

Bertan, Zarauzko Metralleta, Diskoiraa eta Erantzun taldeak egongo dira Urretxu-Zumarragako Zaborra taldearekin batera. Eta kontzertuaren ostean, Urko eta Terroriker DJak izango ditugu.


AHTrik EZ eta KITTO!!

Atzokoan ere Juanma izan genuen gurean Punk mugimenduko emakume ahots batzuk errepasatzen. Irratsaioa entzun nahi baduzue, HEMEN duzue. Playlista berriz, HEMEN.

Podcast: Play in new window | Download

Otsailaren 8ko irratsaioan Juanma edukiko dugu berriro ere gonbidatu bezala. Oraingoan gainera, emakume ahotsez beteko digu astero egiten dugu ordu eta erdiko saioa.

Punk mugimenduko emakume ahotsik onenak entzun nahi badituzue, gogoratu galdu ezinezko zita duzuela bihar asteartean, gaueko 21:30etatik aurrera. Eta Zarautz cityn ez bazaudete internet bidez ere entzun dezakezue HEMEN klik eginaz.

Astebukaera honetan ere zer ikusi eta entzun edukiko duzue, Zarauzko zarata taldeei dagokionez behintzat.

Hasteko, Otsailaren 4ean, ostiralean, Erantzun eta Humilitate taldeak ikusteko aukera egongo da Baionako Kixkil ostatuan.

Honez gain,  igande zaratatsu bikain bat edukiko dugu Otsailaren 6an Zarauzko Putzuzulo Gaztetxean. Arratsaldeko 18:00etatik aurrera, Zarauzko Metralleta, Donostialdeko Iron Batasuna , Brasilgo Cativerio eta Bartzelonako Crani Septic taldeak edukiko ditugu oholtza gainean.

Otsailaren 1eko irratsaioan, Dirtaa taldeko kideak edukiko ditugu. CD berri bat kaleratu dute eta honekin batera etenaldi txiki bat egingo dute. Guzti honetaz eta beste gauza gehiagotaz jardungo gara gaurkoan beraiekin.

Gogoratu zita zaratatsu bat duzuela gaur, gaueko 21:30etatik aurrera. Eta Zarauztik kanpo bazaudete internetez ere entzun dezakezuela HEMEN klik eginaz.

Atzo Peñarekin egin genuen irratsaioa entzun nahi baduzue, klikatu ezazue HEMEN. Playlista berriz HEMEN duzue.

Podcast: Play in new window | Download