Diskoiraa eta Ezereza taldeek kontzertuak dituzte astebukaera honetan. Ezerezako lagunek, Amurrioko La Cuadra etxean joko dute Maitatzaren 15ean, larunbatean. Bertan, beste lau talderekin joko dute, Habemus Kaos, Annunaki Revenge, Down To Agony, Fabrika de Idiotas taldeekin hain zuzen ere.
Diskoiraakoek berriz, Putzuzulo Gaztetxean joko dute Bartzelonako Amenaça taldearekin, igandean, Maiatzaren 16an.
Aste honetan hiru kontzertu zaratatsu egongo dira Putzuzulon.
Hasteko, astearte honetan, Maiatzaren 10ean, kontzertu oso interesgarri bat edukiko dugu. Bertan hiru taldek hartuko dute parte. Lehenik, Donostiatik datozen Los Santos Pop taldeak joko du. Hauen ostean, Europar biran dabiltzan bi talde Kanadar edukiko ditugu, Statues eta Vicious Cicle taldeak hain zuzen ere.
Maiatzaren 13an berriz, ostegunean, doinu bortitzago batzuk edukiko ditugu Gaztetxean. Egun honetan, Frantziako bi talde edukiko ditugu. Lehenik Death Reign D-Beat taldeak joko du. Hauen ostean, aurreko batean gurean izan genituen Human Compost Crust Metal taldeak joko du.
Amaitzeko, Maiatzaren 14ean, ostiralean, aste honetako azken kontzertua edukiko dugu. Lau talde izango ditugu, lehenik Oriyoko Uteh taldea, Kenon eta Arrautz ustelaken ibilitako jendiakin osatutako hirukotea da, Post HC jorratzen. Jarraian Amurrioko Annunaki Revenge taldea edukiko dugu. Hauen ondoren Potierseko (Frantzia) Bougnole taldeak joko du, D-Beat punka jorratzen dute eta Espainian zehar egin duten bira amaitzeko azken konzertua eskainiko digute. Azken taldea asteburu honetan geitu zaio gaubelari eta momentuz ez dugu informazio askorik.
Dirtaa eta Diskoraa talde Zarauztarrek kontzertuak dituzte astebukaera honetan.
Maiatzaren 7an, ostiralean, Dirtaa taldeak du kontzertua. Donostiako DOKA Aretoan joko dute R Andoaindarrekin.
Maiatzaren 8an, larunbatean, Diskoiraa taldeak Izarbeltz Ateneoaren 4. urteurrenean joko du. Bertan, Insolventes talde Bilbotarrarekin eta Flying Ladies Errioxarrekin joko dute.
Hardcore kontzertu askoz beterik dator Maiatza Putzuzulon. Aste honetan adibidez bi izango ditugu.
Lehena, Maiatzaren 6an izango da, ostegunean. Bertan, Zarauztarrak diren Dictadura eta Chicagotik datozen Canadian Rifle eta No Slogan ariko dira. Kontzertu honen informazio gehiago nahi baduzue, Short Fas Loud blogean irakur dezakezue.
Bigarren kontzertua, Maiatzaren 9an izango da, igandean eta bertan Kroaziako Nulla Osta eta Esloveniako Anaeroba taldeek joko dute. Hauek Europar biran dabiltza eta azken unean kontzertu hau lotu dute Zarautzen.
Metralleta taldeak bi kontzertu eskeiniko ditu astebukaera honetan, Maiatzaren 1ean eta 2an hain zuzen ere.
Larunbatean, Maiatzaren 1ean, Soraluzeko Gaztetxean joko du Mugrind talde Kataluniarrarekin eta Donostialdeko Hell Division taldearekin batera.
Igandean berriz, Maiatzaren 2an, Mogambo Aretoan joko du Homosadicus eta Mentat taldeekin. Moganboko kontzertua arratsaldeko 18:30etatik aurrera izango da.
Bi kontzertu izango ditugu aste honetan Zarauzko Putzuzulo Gaztetxean, Apirilaren 29an eta 30ean hain zuzen ere.
Apirilaren 29an, ostegunean, bi talde kanpotar ikusteko aukera edukiko dugu. Lehenik bartzelonako Mugrind taldea edukiko dugu, , La Jungla etxe okupatuko jendearekin osatutako taldea da, grindcorea jorratzen dute eta hemen inguruan egiten ari diren bira aprobetxatuz geldialdi bate egingo dute Putzuzulon. Hauen ondoren Suitzan bizi baina berez Italia eta Danimarkakoak diren Homosadicus taldea izango dugu. Trash Hardcorea jorratzen dute eta hauek ere biran dabiltza eta Euskal Herrian eskainiko duten aurrenekoa izango da ostegunekoa. Tarteka konzertua soilik ez eta zuzeneko perfomance batekin laguntzen dute ikusikzuna, sua, eskarizazio “scar”, rotaflex eta ekoekin baino aurtengoan musika bakarrik eskeiniko digute.
Ostiralean berriz, Apirilaren 30ean, A.H.T.-ren aurkako kontzertua izango da Gaztetxean. Arratsaldeko 20:30etatik aurrera 5 taldek joko dute. Bartzelonatik datorren The Capaces Punk Rock taldea, Frantziako Nesseria grindcore taldea, Andoaingoak diren R (hauek beraien diska berria aurkeztuko dute), Bilboaldeko Elfo Negro eta Odolaz Blai taldeak egongo dira.
Beste astebukaera mugitu bat dute Zarauzko taldeek oraingoan ere. Ostiralean, Apirilaren 23an, kontzertua izango du MKT taldeak Azkoitiako Matadeixen. Honez gain, Humilitate taldeak ere Balmasedako herriko tabernan joko du Tres41 taldearekin.
Larunbatean berriz, Erantzun taldearen txanda izango da, Bermeoko Nuntxaku zentruan joko dute eta Urbangrind, Titadine eta Mitosia taldeekin.
Apirilaren 20an sekulako kontzertua izango dugu Zarauzko Putzuzulo Gaztetxean. ZarataZarauzko lagunen bitartez, Argeliatik datorren DEMOKHRATIA taldeak joko du. INFEST edota SEEIN´RED taldeen antza duen taldea da Afrikarra, Hardcore-punk politikoa jorratzen dute. Guk uste, Putzuzulon egongo den lehen talde Afrikarra izango dela.
Beraiekin batera, Oreretakoak diren TOIL taldeak ere joko du. Hauek, Hardcore Metal astuna jorratzen dute.
Gogoratu beraz, zita zaratatsu bat duzuela datorren asteartean, gaueko 21:00etatik aurrera.
Metralleta taldeak Amurrioko La Cuadra Etxean joko du Apirilaren 18an igandean, arratsaldeko 20:30etatik aurrera. Bertan, Europar biran dabiltzan La Casa Fantom Norbegiarrekin eta Amurriokoak diren Apurtu arte taldeekin joko du.
Burux Lee Zarauztarrek Zallako Limbo aretoan burutuko den K-Putxa fest jaialdian joko dute Apirilaren 17. Beste sei talderekin joko dute arratsaldeko 19:00etatik aurrera. Besteak beste, J.A.N., Odolaz Blai, Elfo Negro, Down to Agony, Confilct Noise eta Giltzapean taldeekin joko du.
