Putzuzuloko ekintzek ez dute etenik eta egun monotono batetan, zerbait desberdina egiteko aukera paregabea proposatzen dizugu oraingoan ere. Apirilak 14rako(Asteazkena), kontzertu itzela antolatu dugu!! Nork dio asteazken gauetan etxean geratu behar dugula telebista ikusten edo ordenagailuan?

Taulagainean lehenengo Urretxuko Zaborra http://www.myspace.com/zaborrarock taldea izango dugu, punk rock azidoari emanez. Ondoren, bartzelonatik datozen, Brutal Project http://www.myspace.com/brutalproject taldearen erritmoek zartatuko dituzte gaztetxeko paretan, hauek ere punk rock erritmora. Plan bikaina, asteazken buruzuri bati kolore pixkat bat emateko! Bertan ikusiko gara. Muxu bat.

Aupa kaixo:

Hemen idazten dugu Orlovatik, Txekiatik. Iada biraren erdia egina dugu. Ostiralean hasi ginen Gironan, Martxoaren 26an, Los Democratas eta Crosta taldeekin jo genuen bertan, etxe okupatu batean. Gironan bertan, 4 edo 5 etxe okupatu omen daude. Hurrengo eguna Marsellan izan zen, Entrophy izeneko areto batean. Bertan, Mello izeneko lagun bat ezagutu genuen, Venezuelakoa bera.

Kontzertua itzel joan zen, nahiz eta gure aurretik jo zuten batzuei ez dakit nola utzi zieten jotzen. C-uter bezalako taldearen antza hartu genion. Kontzertuaren ostean DJ bat hasi zen musika jartzen. Giro ezin hobean geundela, berri txar batekin etorri zitzaigun gure abeslaria, gure autoan lapurtu zutela. Autoko kristal bat hautsi eta gure pasaporte guztiak, gidatzeko baimen batzuk, mobilen bat eta 50 eeuuro inguru lapurtu zizkiguten. Honen ondorioz, bira guztia kristalik gabe egiten ari gara. Hala ere, hurrengo egunean konponketa txiki bat egin genion Milanoko Villa Vegan etxe okupatuan. Honez gain, pasaporte berriak egiteko Ljubjiana eta Milanoko kontsulatuak ezagutu behar izan ditugu, baita beraien inkonpetentzia ere.

Milanen ere oso ongi tratatu gaituzte. Kontzertua baino lehen Genovako fanzine anarkista baten aurkezpena entzuten egon ginen. Gure italiarra bikaina denez, ez genuen arazorik izan hitzaldia ulertzeko (juas!}. Honen ondoren, guri iritsi zitzaigun txanda hitzaldia emateko. Putzuzulo Gaztetxearen inguruan eta Arraio Irratiaren inguruan egon ginen hizketan. Hala ere ez zuten interes gehiegi gai hauei buruz, Euskal Gatazkaren inguruan eta AHT-ren inguran galdetu ziguten eta.

Esloveniako kontzertuak ere oso ongi joan dira. Kranjen jo genuen kontzertuan ez zen jende gehiegi egon. Hala ere esanguratsua da nola Eslovaneniako Zentru Sozial batean piszina olinpiko bat egon daiteken. Ljubjianan ere primeran tratatu gaituzte.

Rijeka eta Zagreben ere ezin hobeto ibili gara. Bertan, garbi geratu da batzuek ez dutela kanpeatzeko ez klase ezta estilorik ere ( lasai izenik ez dugu esango hemen].

Jende eta giro aldetik, kontzertu onenak Kroazia eta Hungriakoak izan dira. Ajkako kontzertuan esaterako, Casteller bat eta guzti egin ziguten. Diskoiraaren istoriako kontzerturik onena izan da dudarik gabe.

Momentuz ez dugu ezer gehiago kontatzeko, interneteko aukera dugun hurrengoan idatziko dugu. Eta biratik itzultzen garenean gure furgonetan idazten ari garen kuadernoa webgune honetan eskegiko dugu irakur dezazuen. Oraingoz ezer gehiago ez.

Diskoira+Lope+Lagun Izoztua

Diskoiraa taldea ere Europar bira irtengo da ostiral honetan. 17 egunetan zehar, Frantzia, Italia, Eslovenia, Kroazia, Serbia, Eslovakia, Hungria, Austria, Alemania eta Suitza bezala herrialdeak zeharkatuko ditu, 16 kontzertu eskeiniz. Hauek dira data:

MARTXUA!!!!

26 GIRONA!! Catalunya + Crosta + Los democratas
27 MARSEILLE!!!! Frantziya ENTRHOPY CLUB
28 MILANO!!! Italiya VILLA VEGAN SQUAT + Spettro
29 KRANJ!!! Slovenia AKD IZHBRU + Lucky funeral
30 LJUBLIANA!! Slovenia TOVARNA ROG
31 RIJEKA!!!!! Croatia @PODRUM + All day hell + Melete

APIRILA!!!!

1 ZAGREB!!!! Croatia
2 AJKA!!!! Hungary IZVILAV + Iszonyat + Lépéselőny + Direkt?! + More Drive
3 BUDAPEST!!! Hungary POGO LOCO CLUB + Qss + Human herror + Maradek + Akroprolis
4 BANSKA BYSTRICA!!! Slovakia IRISH PUB
5 ORLOVA!!! Chezch Rep. FUTRA CLUB
6 WIEN!!! Austria EKH SQUAT + Concrete sox
7 GRAZ!!! Austria
8 WINTERTHUR!!!! Switzerland GGS31 SQUAT + Any port in the storm + Turning cold
9 KONSTANZ!!! Germany THE 9 DARTER + Ruins + Erantzun
10 TOULOUSE!!!! Frantziya LE RAGTIME + Bakteriien kavalkade + Girrhose atak

Erantzun taldea bagoaz berriz ere biran. Datorren astean furgoneta martxan jarri eta bideari ekingo diogu beste behin ere. Europan barrena egingo dugun 4 bira izango da eta Alemanian zentratuko da biraren zatirik handiena. 1998an martxan jarritako taldea gara eta errepidea izan da gure habitata. Duela bi hilabete kaleratu berri da 2008 urtean burututako “Hegoamerika bustour” biraren ostean bertako zigilu ezberdinekin elkarlanean hasitako proiektua eta horrela esku artean dugu “Hazia ernaltzen duen tanta” LP-aren CD edizioa. Hegoamerikan irten den edizioa den arren Erantzundarrok parte hartu dugu edizioan eta kopia batzuk ditugu eskuragarri. Contraorden discos, Sin fronteras discos, Tercer mundo records eta distro makataka izan dira Cd honen erantzule.

Alemania, Suiza eta Frantzian zehar aurkeztuko ditugu diska honetako eta besteetako abestirik bortitzenak. Geriatric unit (ex-heresy), La casa fantom, Lust for life, Diskoiraä, Malatesta eta antzerako taldeekin jotzeko parada izango dugu Martxoaren 31etik Apirilaren 11era luzatuko den biran.

Erantzun taldeak Bilboko 7 Katu Gaztetxean joko du ostiral honetan. Arratsaldeko 20:30eatatik aurrera, Erantzun, Inshomnio, Spandau Bullet eta Voa Morte taldeak ikusteko aukera egongo da.

Ostiral honetan ere kontzertu handia zarauzko Putzuzulo Gaztetxean. Aste honetan, Siervos de Nadie
Galiziarrak izango ditugu berriz ere. Frantziatik konzertu batzuk eman aurretik bisita egingo digute. MKT Zarauztarrak ere bertan egongo dira. Europan barrena egin behar duten birako aurreneko konzertua izango da, Galizarrekin Frantzian ibili ondoren, Belgika, Holanda, Alemania, Txekia eta Suitza zapalduko dituzte. Hauekin batera Sub Rats Bilbotarrak izango ditugu denboraldi luze batean kontzerturik eman gabe egon ondoren. Hau gutxi balitz, Belgradoko bi talde izango ditugu gure artean, Lets Grow eta Jaibo!.

Gaubela dotorea beraz ostiral honetan gaztetxean, 21:00k aldera hasiko dira kontzertuak, 1:00 bukatu behar bait dute.

Aste Santuak oso mugituak izango dira Zarauzko talde askorentzat. Ulu dira horren adibide bat. Erdi Zarauztarra den talde honek Soraluzeko KaosarenerasoaK taldearekin bira txiki bat burutuko du Bartzelona aldean. Hauek dira kontzertuak:

Martxoaren 26an: Soraluzeko Gaztetxean
Martxoaren 27an: Amurrioko La Kuadran
Apirilaren 1ean: Bartzelonako Los Bloques Fantasma etxean
Apirilaren 2an: Molins Sense Reiko Kasablanka etxean
Apirilaren 3an: Bartzelonako La Jungla etxean.

Zubi honetarako ere kontzertu ugari ditugu gure inguruan. Hasteko, gure irratsaioan haipatu bezala 4 taldek joko dute Putzuzulon, Ezereza Dirtaa, KaosarenerasoaK eta Pancake Estatubatuarrek.

Honez gain, Ostiralean ere Zarautzen geratzeko haitzakia paregabea duzue, Zarauzko Arrano Tabernan kontzertu oso interesgarri bat egongo delako. Bertan, Orioko Arrautz Ustelak eta Mallorkako Quartermass taldeak egongo dira gaueko 22:30etatik aurrera.

Amaitzeko, Mogambo Aretoko kontzertu baten berri eman behar dizuegu. Bertan, Zarauztarrak diren Ezereza eta Burux Lee taldeek joko dute, Amurrioko Fabrica de Idiotas taldearekin.

Beste bi kontzertu interesgarri ditugu larunbat honetarako, Martxoaren 13rako. Lehena Zarauzko Putzuzulo Gaztetxean izango dugu. Bertan, Amurrio aldetik datozen FABRIKA DE IDIOTAS, Hardcore gordina lantzen duen taldea. Jarraian Zallatik, Hardcore melodiko azeleratua eskeiniko digute NO KOMPLY taldeko gazteek. Azkenik, Harlore taldean ibilitako Iñigo eta Lander anaiek osatu duten talde berriaren estrenaildia edukiko dugu zuzenean, IHES NAIZ izena dute eta Punk-Rock melodiko india jorratzen dute.

Honez gain, Andoaingo Gaztetxean ere zer ikusi eta entzun egongo da. Bertan, gaueko 22:00etatik aurrera Oriyotarrak diren Arrautz Ustelak eta Zarauztarrak diren Ulu eta Burux Lee taldeek joko dute. Gainera, gauari amaiera emateko DJ iñarras egongo da musika jartzen.

Martxoko lehen astebukaera kontzertu askorekin dator zaratazaleentzat. Ostiralean esaterako, bi kontzertu interesgarri egongo dira. Lezoko Txerrimuñon, Diskoraa, Karkaba eta Toil taldeen kontzertua egongo da. Kontzertu hau gainera, Zintzilik Irratiaren antena berria erosteko dirua ateratzeko da.

Egun berean, baina Bermeoko Nuntxaku Zentruan, Zarauzko Humilitate, Bermeoko Powerflip eta Mallorkatik datozen Mostros taldeak ariko dira.

Larunbatean berriz, Martxoaren 6an, kontzertu oso interesgarri bat izango dugu Zarauzko Putzuzulo Gaztetxean. Bertan, Zarauzko Sorginak eta Bilgune Feministak antolatuta, Mostros eta Las hijas de la Evasion taldeak jardungo dira.

Kontzertu sorta honekin amaitzeko, larunbatean bertan beste zita zaratatsu bat izango duzue Lobato Etxean. Kasu honetan, Tres 41, Ulu, KaosarenerasoaK eta Nazkazakatuak taldeak joko dute. Honen ostean DJ sesioa egongo da Andoni eta Axiommyren eskutik.