Ekainaren 22an, astelenean, sekulako kontzertuaz gozatzeko aukera izango duzue Zumaiako Gaztetxean. Bertan, Humilitate Zarauztar Trasheroak egongo dira beraien tximak astintzen.
Beraiekin batera, Hard Charger talde Kanadiarra ikusteko aukera ere izango duzue. Trash-Punk talde hau Europan zehar biran dabiltza eta Euskal Herrian emango duten kontzertu bakarra honakoa izango da. Kontzertua gainera, gaueko 21:00etan hasiko da.
Ekainaren 20an, larunbatean, kontzertu oso interesgarri batetaz gozatzeko aukera izango duzue Lasarteko Sustrai tabernan.
Arratsaldeko 18:30etatik aurrera, Zarauzko Burux Lee taldearen doinuez gozatzeko aukera izango duzue. Beraiekin batera, talde berri bat ikusteko aukera izango duzue, Keep Diggin taldea ain zuzen ere. Geriatric Youth taldearen errautsetatik sorturiko taldea dugu honakoa. Amaitzeko, Escribe Normal taldeak joko du, beraien azken kontzertua izango da gainera.
Leon eta Coruña aldean ibiliko da Erantzun taldea astebukaera honetan. Denboraldi batean ixilik egon ondoren, pilak kargatu eta bueltan dira Zarauztarrak.
The New Moganbo All Stars taldearekin batera bi kontzertu eskeiniko ditu Espainiar Estatuan. Lehena, ekainaren 19an izango da, Leonen. Bigarrena berriz, ekainaren 20an, larunbatean, Coruñan
Aurrena Etsaiak izan zen, gero Subterranean Kids, hauen ostean Ama Say, Komando Tripontxik ere kontzerturen bat eman du eta orain Txixaparraztaren txanda iritsi da.
Bai, ez da gezurra, Rock Star batzuen moduan bueltan dira Zarauztarrak. Zarauzko San Pelaioak aitzakiatzat hartuta, kontzertua eskeiniko dute Ekainaren 27an, arratsaldeko 20:00etatik aurrera eta MKT taldearekin batera..
Garai batean, Erdoiztatik afeitatu gabe etortzen ziren. Oraingoan agian beraien bizarrak moztuta etorriko dira baina betiko nazka itsura emango dute eta beraien ahotatik oraindik eta nazka gehiago irtengo da. Nik badaezpada egun horretan aterkia eramango dut, agian aurpegira txixaparrazta egingo didate eta.
Metralletako “lagunek” Urretxu-Zumarragako Gaztetxearen 7. urteurrenean joko dute Ekainaren 13an, larunbatean. 3 astetako egitaraua burutu dute Zumarraga eta Urretxuko lagunek eta tardean zarata kontzertu itzel bati ere tartea egin diote. Metralletakoentzat, kaleratu berri duten azken lanaren ondoren emango duten lehen kontzertua izango da.
Kontzertu honetan, Zarauztarrez gain, Bartzelonako Hij@s Tarad@s taldeak ere joko du. Beraz, badakizue, 7. urteurren hau larunbat hontan ospatu nahi baduzue, azaldu besterik ez duzue.
Beste kontzertu interesgarri batekin gatoz oraingoan ere. Ekainaren 12an, ostiralean, kontzertu itzel batetaz gozatzeko aukera izango dugu Zarauzko Arrano Tabernan.
Bertan, Burux Lee Zarauztarrak eta Fly Shit Bergararrak arituko dira.
FLY SHIT 1996an sortu zen Bergaran, Gipuzkoan. Orain arte bi lan kaleratu dituzte (fly shit 2001 eta Bizitza.. baina nola bizi? 2006), horretaz gain hainbat bildumatan parte hartu dute: ddt, isiltasuna apurtzen, Operacion hazlo tu mismo, Toxiko zine, Zarautzko gaztetxearen alde, Lokomotorra gaztetxea…
BURUX LEE berriz 2007an sortu zuten, taldekide batzuk FOLKCORE-n etapa bat amaitu ondoren. Oraindik ez dute lanik kaleratu, baina azkenaldian kontzertu dexente ematen ari dira eta indartsu datoz gure barrenak dardarka jartzera.
Kontzertua gaueko 23:00etan hasiko da.
Bartzelonako Transicion taldeak Zarauzko Putzuzulo Gaztetxean joko du Ekainaren 3an, asteazkenean. Ekkaia, Leadershit edota Disface bezelako taldeetan ibilitako jendeaz osaturik dago Rock Psikodelikoa egiten duen talde hau. Putzuzuloko kontzertua, 21:00tan hasiko da.
Honez gain, ostegunean, Ekainaren 4an, Amurrioko La Cuadra etxe okupatuan ere joko dute, kasu honetan Zarauzkoak diren Humilitate eta The Black Gramola Conspiracy taldearekin.
Badira hilabete batzuk, Zarauzko Arrano taberna berpizten hasi direla ekintza ezberdinekin. Arranopola Kultur Ekimenaren bitartez, kontzertu, hitzaldi, diaporama eta beste hainbat gauza burutzen ari dira urtarriletik.
Ekintza hauekin jarraituz, Maiatzaren 29an, ostiralean eta gaueko 23:00etatik aurrera, zarata kontzertu itzel bat izango dugu. Bertan, Zarauzkoak diren Ezereza eta Humilitate taldeak ikusteko aukera izango dugu.
Ezerezakoek, Apirilean eman zuten lehen kontzertua putzuzulon eta orain bigarren kontzertuarekin datoz. Hardcore eta punk doinu biziak nahasten dituzte ahotsari melodia ikutuak emanez, musika freskoa eta amorruz betea.
Humilitateko HEAVYek berriz, Hc-thrash doinuak jorratzen dituzte. Hauek ere apirilean egin zuten estreinua eta kontzertuetan buru belarri sartuta dabiltza. Udan europan zehar bira egitekoak dira eta grabatu berri dituzten 6 kantu ere laixter kalean izango direlakoan lanean dabiltza.
Maiatzaren 30ean, larunbatean, galdu ezinezko zita bat duzue Zarauzko Putzuzulo Gaztetxean. Bertan, Udaberri Fest jaialdia burutuko da eta 5 taldek joko dute:
ACTION BEAT–> 3 bateria eta instrumentu asko nahastutako rock experimentala Erresuma batutik.
THE ART OF LOSING–> Zarauztik rocking cobra, abesti berrien aurkezpena
INSERTA–> Post hc doinuak bilbotik, Criatura edo interlude taldeen ikutuekin
BURUX LEE–> Hc doinu indartsuak Zarauztik bertatik
ANTIGUA Y BARBUDA–> Rock esperimental eta ambientala egurra ematen Iruñatik.
Lehenik eta behin, gogoratu nahi dizuegu Maiatzaren 23an galdu ezinezko kontzertu bat duzuela Putzuzulo Gaztetxean SURRENDER, SEMEN eta HYYOKAYS taldeekin.
Honez gain, Maiatzaren 25ean, astelehenean, zita Zaratatsu bat izango duzue Getariako Gaztetxean. Bertan, Europar biran dabilen IMPERIAL LEATHER talde Suediarra eta HUMILITATE Zarauztarrak ikusteko aukera paregabea izango duzue. Kontzertua, gaueko 21:30etan hasiko da.