Aurreko astean Ritxarrekin egin genuen saioaren ostean, beste gonbidatu bat edukiko dugu ZarataZarautz irratsaioan.
Azaroaren 23ko irratsaioan, Art of Losing talde Zarauztarreko Peiote izango dugu gonbidatu bezala.
Beraz, gogoratu zita bat duzuela astearte honetan, Arraio Irratiko 99.3an.
Humilitate taldeak Mogambo Aretoan joko du Azaroaren 22an astelehenean. Beraiekin batera, Europar biran datozen Wehrmacht talde Estatubatuarrak joko du.
Kontzertua gaueko 20:30etan hasiko da eta puntual azaltzea asko eskertuko da.
Inor Ez talde Zarauztarrak Leioako Udondo Gaztetxearen 10. urteurrenean joko du.
Egun guztian zehar hainbat ekitaldi egongo dira eta Zarauztarren gauean burutuko den kontzertuan hartuko dute parte. Beraiekin batera, Despeñaperros, RAS, Piketa eta Ira et Decessus taldeak egongo dira.
Azaroaren 16ko ZarataZarautz irratsaioan gonbidatu berezi bat edukiko dugu. Tarin tabernako langilea den Ritxar edukiko dugu gurean gustoko duen musika jartzen.
Denbora luzez zain egon gara Ritxar gurean edukitzeko eta orain oporretan dagoela aprobetxatuz, ordu eta erdiz bahituko dugu gustoko duen musikaz jarduteko eta kontu gehiagotaz hitzegiteko.
Gogoratu galdu ezinezko zita bat duzuela Arraio Irratiko uhinetan, astearte honetan, gaueko 21:30etatik aurrera.
Azaroaren 9ko ZarataZarautz irratsaioan, Putzuzulo Gaztetxearen 5. urteurrenaren baitan ospatuko den IV. Zaratafest jaialdiaz hitzegingo dugu.
Aurtengo edizioak 6 talde izango ditu. Bermeoko Powerflip, Beasaingo Fly Shit, Buenawistako Ira et Decessus, Zaragozako Mistkafer eta Criatura eta Bartzelonako Totalickers taldeak hain zuzen ere.
Talde guzti hauei errepasoa egingo diegu asteartean, gaueko 21:30etatik aurrera.
Humilitate talde Zarauztarrak Beasaingo Melmak Gaztetxean joko du Azaroaren 8an, astelehenean.
Beraiekin batera, Bartzelonako Infame Hardcore Punk taldeak joko du. Kontzertua, gaueko 20:00etan hasiko da.
Dictadura taldeak Zarauztarrak Urretxu-Zumarragako Gaztetxean joko du Deskonocidos talde Estatubatuarrarekin Azaroaren 4ean, ostegunean.
Deskonocidos taldea, Europar biran dabiltza beraien punk iluna astintzen. Askok, Eskorbuto eta garaiko taldeen itxura dutela diote. Kontzertua, 20:30ak aldera hasiko da PUNTUAL!!
Azaroaren 2ko ZarataZarautz irratsaioan gonbidatu berezi bat edukiko dugu. Aspaldiko partez Juanma edukiko dugu gurean.
Gaurkoan, Udaletxe ezberdin edo DIputaziok subentzionaturiko diskoei egingo diegu errepasoa. Eta saioaren bigarren zatian, diska berrien errepasoa egingo dugu. Lärm, Desconocidos erta beste hainbat talderen lan berriak entzuteko aukera izango da gurean.
Gogoratu zita bat duzuela gaur zaratarekin gaueko 21:30etatik aurrera.
Metralleta, Extortion eta Seein Redek Putzuzulo Gaztetxean eman behar duten kontzertuaren ondorioz, gaur ez da ZarataZarautz irratsaiorik egongo. Hala ere, errepikapen bat jarriko dugu kontzertura gerturatu ezin duenarentzat.
Datorren astean itzuliko gara gogo biziz.
Mattingunek bidalitako disko gomendioa dugu gaurkoan. Brigada Slam talde Zarauztarraren 1994ko maketa duzue honakoa.
Anestesia Daniko sortu zuen taldea urte horietan eta hau da kaleratu zuten maketa bakarra, ondoren Ohiuka taldearekin disko pare bat kaleratu zituzten, oker ez banago.
Abestiak
01 decadencia
02 VZC
03 asesina tentacion
04 cerca de ti
05 el 5 angel
06 falsas ilusiones
07 desesperacion
08 brigada slam
09 uno mas, uno mas
10 dame alcohol
11 egoista
Diska jeitsi nahi baduzue, klikatu ezazue HEMEN. Maketa hau, Blog honetan aurkitu dugu.