Astearte honetako ZarataZarautz irratsaioa ere nobedade berriekin dator. Gaurkoan, KKinzona irratiko Zaratataraz irratsaioaren CD bilduma berriari errepasoa egingo diogu.

Honez gain, maketa klasiko batzuk berreskuratu ditugu eta hauek ere entzun ahal izango ditugu eta inguruko kontzertuen berri ere emango dugu, beti bezala, B Jauna eta Lagun Izoztuaren gidaritzapean.

Gogoratu, Zarautzen baldin bazaudete FMko 99.3an entzun ahal dezakezuela eta internetez entzuteko aukera ere baduzuela HEMEN klik eginaz.

Azkenean lortu dugu atzoko ZarataZarautz irratsaioa igotzea. Atzo, irratsaioaren lehen zatian Andanada 7ren diskografiari errepaso bat eman genion. Ondoren, astebukaera honetan egongo diren kontzertuen berri eman genuen.

Saioaren bigarren zatian berriz, emakume ahotsez osaturiko taldeen errepasoa egin genuen. Spitboy, Sospechosos, Girlschool edota Deadline bezalako taldeak entzun ahal izan genuen.

Irratsaioa entzun nahi baduzue, klikatu ezazue HEMEN. Playlista berriz HEMEN duzue.

Martxoaren 2ko irratsaioa bi zatitan banatuko dugu oraingoan. Aste honetako kontzertuen berri emateaz gain, saioaren lehen zatian Andanada 7ren inguruan hitzegingo dugu. Larunbat honetan Basauriko Txarraska Gaztetxean jo behar dute eta hau aitzakiatzat hartuta, beraien diskografiari errepaso bat emango diogu.

Saioaren bigarren zatian, Emakume Langilearen Nazioarteko Eguna gertu dela eta, emakume ahotsez osaturiko musika taldeen doinuak jarriko ditugu. Gogoratu nahiz eta Zarauztik kanpo egon internet bidez entzun gaitzakezuela, HEMEN klik eginaz jakingo duzue nola egin.

Beste astearte zaratatsu eta interesgarri bat izan genuen Arraio Irratiko uhin libreetan. Ez genuen gonbidaturik izan baina B Jauna eta Lagun Izoztua oso fin ibili ziren beste behin ere.

Atzokoan, Andanada 7, Afonia, Wild Dogs, Vitus Dance, Profit and Murder edo 37 hostias bezalako taldeak entzuteko parada izan genuen. Saioa entzun nahi baduzue, HEMEN duzue. Playlista berriz HEMEN.

ZarataZarautz Fest eta Save The Van Festa amaituta, bizirik daudela erakusteko, beste saio Zaratatsu bat prestatu dute B Jaunak eta Lagun Izoztuak. Bi egun hauek haipatzeaz gain, esku gainean ditugun disko berriez jardungo gara beste behin ere. Astebukaera honetako kontzertuak alde batera utzi gabe noski.

Beraz, ez ahaztu FMko 99.3a sintonizatzea (Zarautzen bazaude) edo internet bidez entzutea

Otsailaren 16ko ZarataZarautz irratsaioan, Putzuzulo Gaztetxean burutuko den II. ZarataZarautz Festaz hitzegingo dugu. Ez dakizuenentzat, esan lehen bataila Lobato Etxean burutu zela. Bertan, bi eszenatokitan banatuta, Zarauzko 10 taldek joko dute, lehenik talde batek abesti bat joko du eta ondoren beste taldeak beste abesti bat. Horrela, talde bakoitzak 8 abesti joko ditu.

II. gerra honetan parte hartuko duten taldeak Metralleta, Diskoiraa, Ulu, Erantzun, Humilitate, Inor Ez, Burux Lee, MKT, Dirtaa eta Ezereza izango dira.

Astearte honetan, talde hauetako partaide batzuk izango ditugu gonbidatu gisa, B Jauna eta Lagun Izoztuarekin batera. Beraz ez ahaztu asteartean, gaueko 21:30etatik aurrera FMko 99.3a sintonizatzea edo internet bidez entzutea.

Beste astearte interesgarri bat izan genuen ZarataZarautz saioan. Lagun Izoztua eta B jaunaren gidaritzapean zarata doinu berriez gozatzeko aukera izan genuen. Honez gain, aurreko astebukaeran egondako kontzertuen balorazioa egin genuen eta astebukaera honetan egongo direnen inguruan ere informatu genuen.

Irratsaioa entzun nahi baduzue, klikatu ezazue HEMEN. Playlista berriz HEMEN duzue.

Beste astearte bat iritsi da Arraio irratian eta ZarataZarauzko jendea prest dago beti bezala zuen belarriak berotzeko.

Gaurkoan ere nobedade gehiago izango dituzue entzungai gaueko 21:30etatik aurrera. Mexiko aldetik etorri zaizkigun disko berri batzuk entzun ahalko dituzue eta baita Puerto Rico inguruko talde batzuen soinu berriak ere.

Beraz ez ahaztu, gaueko 21:30etatik aurrera B jauna eta Lagun Izoztuaren ahotsak sintonizatzea eta gogoratu internet bidez ere entzun ahalko dela.

Beste ZarataZarautz irratsaio bati amaiera eman genion atzo. Bertan zer entzun izan genuen. Lehenik, Eibarko Tallarra Gaztetxeko jendeaz gogoratu ginen Bridaren abesti batekin. Aurreko astetik desalojo arriskuan daude bertan eta gure babesa emateko aukera paregabea iruditu zitzaigun.

Honen ostean, astebukaera honetan egongo diren kontzertu sorten errepasoa egin genuen, joko duten talde batzuen doinuak jarriaz. Eta amaitzeko, gustoko ditugun abesti edo nobedade berriak jarri genituen. Hala nola, Heresy, Punch, Freaknation edota No Conforme bezalako taldeak entzuteko parada izan genuen.

Irratsaioa entzun nahi baduzue, HEMEN duzue. Playlista berriz, HEMEN.

Beste astearte bat iritsi da eta ZarataZarauzko kideek ez dugu hutsik egingo. Saioaren lehen zatian, astebukaera honetan egongo diren kontzertuen berri emango dugu, dexente egongo dira eta.

Eta bigarren zatian, B jaunak eta Lagun Izoztuak lortu dituzten nobedade berriak jarriko ditugu. Guzti hau beti bezala, gaueko 21:30etatik aurrera FMko 99.3an eta internet bidez. Internet bidez entzun nahi baduzue, HEMEN argi eta garbi azaltzen du.