ZarataZarautZ

Disko gomendioa: Sin Dios – Intolerance Split 7´´

4 maiatza, 2009

Gaurkoan, bi talde handiren arteko disko elkarbanatu batekin gatoz, Sin Dios Madrildarren eta Intolerance Asturiarren Ep konpartitu batekin alegia. Bakoitzak, beste taldearen bi bertsio egiten ditu. Sin Dios taldeak ez du aurkezpenik behar egia esan. Intolerance berriz, oso gazteak ez zaretenok agian Zarauzko Musika plazan ikusiko zenituzten Manuela Gaztetxea desalojatu ondoren burutu zen festan, 2000ko Apirilaren 1ean.

Espainar estatuko bi talde klasiko hauek, 2001ean kaleratu zuten diska bitxi hau, 1500 kopia eginez. Gaur egun, diska hau aurkitzea oso zaila da egia esan.

Sin Dios taldeak, Intolerancen Di no al speed eta El libro o la bala abestiak bertsionatzen ditu. Intolerancek berriz, Sin Diosen Requiem eta Ingobernables abestien moldaketak burutzen ditu.

Diska jeitsi nahi baduzue, klikatu ezazue HEMEN.

Posted in Berriak, Diskak | 3 Comments »

Burux Lee eta Erantzun taldeak Bruzcore fest jaialdian izango dira

30 apirila, 2009

Burux Lee eta Erantzun taldeak Bartzelona aldera joango dira zubi honetan.

Bertan, azken urteotan burutzen den Bruzcore Fest jaialdian partehartuko dute. Burux Leekoak, Maiatzaren 1ean egongo dira jotzen Badalonako Estraperlo aretoan. Erantzundarrak berriz, Maiatzaren 2an joko dute leku berean. Hona hemen bi egun horietan izango diren taldeak.

Ostirala, Maiatzaren 1a

–La Frus–> Bcn-Rock
–Go Popitas–> Bcn-Punk Rock Yeye
–Blitztrumpf–> ALE-Punk Rock 77’s
–Buruxlee–> EH-HardCore
–BloodSeekers–> EH- Punk Mugre Rock
–Adrenalized–> EH-Fast Melodic HardCore

Larunbata, Maiatzaren 2a

–A Cuchillo—> Bcn-Hardcore Metal Mugre
–Ebola–> Bcn-Hardcore Metal Screamo
–Hell Division–> EH-D Beat
–Erantzun–> EH-HardCore Zapatilla
–Iron Batasuna–> EH- Grindcore Hardcore Metal

Posted in Berriak, Burux Lee, Erantzun, Kontzertuak | No Comments »

Dirtaa eta Diskoiraren kontzertua ostegunean!

29 apirila, 2009

Dirtaa eta Diskoiraa taldeak Zarauzko Arrano tabernan izango dira Apirilaren 30ean. Diskoirakoentzat lehen kontzertua izango da biratik etorri zirenetik.

Arranopolako kideak berriz hasi dira Zarauzko Herriko tabernan ekintzak antolatzen eta Martxo interesgarri baten ondoren, Apirilean ere ekintza ugari burutu dituzte. Honen adibide, ostegun honetako kontzertu hartu dezakegu.

Honez gain, Txekiar Errepublikatik ekarritako zerbezez gozatzeko aukera ere izango dugu, beraz, ez duzu aitzakiarik osteguneko kontzertura etortzeko.

Posted in Berriak, Dirtaa, Diskoiraa, Kontzertuak | No Comments »

MKT taldeari eginiko irratsaioa iada entzungai

29 apirila, 2009

Apirilaren 28ko saioa iada entzungai duzue. Bertan MKT talde Zarauztarrarekin hizketan ibili ginen. Beraien sorreraz, lehen lanaz eta aste Santutan eginiko biraz hitz egin genuen.

Honez gain, astebukaera honetan egongo diren kontzertuez ere hitzegin genuen. Amaitzeko, Putzuzuloko kide batek jasan behar duen epaiketa ere hizpide izan genuen.

Irratsaioa entzun nahi baduezue, klikatu ezazue HEMEN.

Egun horretako Playlista ikusteko, irakurri ezazue HEMEN.

Posted in Berriak, Irratsaioak, MKT | No Comments »

MKT taldeko kideak izango ditugu gaurko irratsaioan

28 apirila, 2009

Apirilaren 28ko saioan, MKT taldearekin egongo gara ZarataZarautz irratsaioan. Zarauztar hirukote honek, maketa bat argitaratu berri du eta bira bat egin du aste Santutan. Guzti honetaz hitzegiten egongo gara taldeko bi kiderekin.

Beraz badakizue, gaur gauean sintonizatu ezazue Arraio irratia.

Posted in Berriak, Irratsaioak, MKT | No Comments »

State Poison taldea Zarautzen!!!

27 apirila, 2009

Beste kontzertu itzel bat ere antolatu dugu Apirilaren 27rako, astelehenerako. Orainogan, STATE POISON talde Frantziarra izango dugu Zarauzko Putzuzulo Gaztetxeko oholtza gainean. Poison idea, Gauze edota Atrocious Madness taldeen ikutua duen hardcore oso gordina egiten dute eta bertan Vomit for Breakfast taldeko kideren batek ere jotzen du

Beraiekin batera, Tolosaldeko R.A.S. taldeak ere joko du. Euskal grindcorearen historia bizi eta brutala da R.A.S. taldea.

Beraz badakizue, astelehenean gaueko 21:00etatik aurrera Gaztetxean ikusiko gara.

Posted in Berriak, Kontzertuak | No Comments »

Disko gomendioa: Bap!! – Lehertzeko garaia

23 apirila, 2009

Aurreko batean Bap!! talde Andoaindarraren lehen bi diskak jaisteko aukera eman genizuen webgune honetan. Oraingoan, talde berberaren azken lana jeisteko aukera eman nahi dizuegu.

Lehertzeko garaia izena du Bap!!-ek kaleratu zuen azken lanak eta 1994an kaleratu zuten. Bertan, hardcorearen mutur guztiak ikutu zituzten, askoen iritziz gainera, argitaratu zuten diskarik onena da.

Diska jeitsi nahi baduzue, klikatu ezazue HEMEN.

Posted in Berriak, Diskak | 2 Comments »

Apirilaren 21eko irratsaioa iada entzungai

22 apirila, 2009

Apirilaren 21ean, Arraio irratian eginiko irratsaioa entzungai duzue iada.

Irratsaioa entzuteko klikatu ezazue HEMEN.

Playlista ikusi ahal izateko klikatu HEMEN.

Posted in Berriak, Irratsaioak | 2 Comments »

Irratsaio berria dugu gaurkoan

21 apirila, 2009

Gaurko irratsaioan, Apirilaren 21ekoan, Diskoiraa taldearekin biran eman ditugun bi aste hauetan ikusi eta entzundako taldeez arituko gara, beti bezala gaueko 21:30etatik aurrera.

Tartean, Antidotum, Misfits Society, Czosnek edota Dissiped taldeetaz arituko gara eta baita eginiko 6000 kilometrotan entzundako diskoez ere.

Posted in Berriak, Irratsaioak | No Comments »

Metralleta taldeak bi kontzertu emango ditu Puerto Ricoko bi talderekin.

20 apirila, 2009

Metralleta talde Zarauztarrak bi kontzertu eskeiniko ditu Puerto Ricoko La virgen del pozo eta Tropiezo taldeekin. Lehen kontzertua, Apirilaren 23an izango da, ostegunean, Putzuzulo Gaztetxean.

Bigarrena berriz, Apirilaren 24an izango da, ostiralean, Trintxerpeko Moganbo aretoan. Kontzertu honetan gainera, Errioxakoak diren Habemus Caos taldeak ere joko du.

Posted in Berriak, Kontzertuak, Metralleta | No Comments »