ZarataZarautZ

Azken orduko kontzertua Andoaingo Gaztetxean

16 martxoa, 2011

MARTXOAK 18, OSTIRALA
ANDOAINGO GAZTETXEAN
22:30etan

MOSTROS
Mallorcatik datoz, taldekide batzuk argentinarrak diren arren, eta haien artean Juanmi dago, Cerebros Exprimidos taldeko gitarra jotzailea. Punk rock indartsu eta sutsua egiten dute, Aerobitch eta Capacesen erdibidean, rockanrolleroagoak batzuetan, hardcoretik gertuago beste batzuetan, baina beti fresko bezain gogor eta Mackyren ahotsak gidatuta. Hainbat disko plazaratu dituzte (azkena, Desguaze taldearekin erdibana ateratako split bat), eta Euskal Herrian jo duten bakoitzean, ahoa bete hortz utzi dituzte ikusle guztiak, oraingoan asmo horrekin egingo dute berriro irletatik barakaldorainoko hegalaldia.

HUMILITATE
Zarautzetik, Humilitate taldea gerturatuko da Hardcore eta trash musika jorratuz. Azken boladan emanaldi ugari eskaintzen ari da taldea, eta udarari begira Estatu Batuetarako bira prestatzen ari dira. Orain arte cd bat kaleratu dute eta bi bira egin dituzte europan zehar. Aurrez, Erantzun, Ira et decessus, Trigger travis, Burux lee,.. eta beste hainbat taldeetan aritutako lagunak 3.aldiz izango ditugu andoainen zuzenean.

Posted in Berriak, Humilitate, Kontzertuak | No Comments »

Bi talde Lituaniar Putzuzulo Gaztetxean

15 martxoa, 2011

Ostegun honetan, Martxoaren 17an, bi hardcore talde Lituaniarren kontzertua edukiko dugu Putzuzulo Gaztetxean.

Arratsaldeko 20:30etatik aurrera, GxFxTx eta K.A.N.G. taldeak edukiko ditugu. Lehenak, eskola zaharreko jarkore helio izugarri ona egiten dute KILL YOUR IDOLS taldearen modura. Bigarrenak berriz, NYHC ona eta mortala burutzen dute MADBALL, BREAKDOWN eta KILLING TIME taldeeen modura.

Posted in Berriak, Kontzertuak | No Comments »

Bad Religionen inguruko irratsaio berezia

14 martxoa, 2011

Martxoaren 15eko ZarataZarautz irratsaiorako, gonbidatu berezi bat izango dugu. Bertan, Igor Lee edukiko dugu Bad Religion talde estatubatuarraren inguruan solasean.

Ordu eta erdiz, talde beterano honen diskografia errepasatuko dugu gure lagunarekin, gaueko 21:30etatik aurrera. Eta beti bezala, gogoratu Zarautzen ez bazaudete internet bidez entzuteko aukera edukiko duzuela HEMEN.

Posted in Berriak, Irratsaioak | No Comments »

Entzun azken ZarataZarautz irratsaioa

9 martxoa, 2011

Martxoaren 8ko ZarataZarautz irratsaioan Juanma izan genuen gonbidatu bezala. Bertan, emakume ahotsak izan ziren protagonistak ordu eta erdiko irratsaioan. Atzoko saioan, Life… but how to live it?, Melt Banana, Romantic Gorilla edo Holy Moses bezalako taldeak entzuteko aukera izan genuen.

Irratsaioa entzun nahi baduzue, HEMEN duzue. Playlista berriz, HEMEN.

Podcast: Play in new window | Download

Posted in Berriak, Irratsaioak | No Comments »

Emakumeak eta Hardcorea saio berean

7 martxoa, 2011

Martxoaren 8ko ZarataZarautz irratsaioan Juanma edukiko dugu berriz ere musika jartzen. Oraingoan gainera, emakumeak protagonista diren beste saio bat ekarriko digu. Aurrekoan Punk musika taldeak eta emakume ahotsak uztartu bazituen, oraingoan Hardcore taldeen txanda izango da. Life… but how to live it? bezelako taldeak entzuteko parada izango duzue bertan.

Gogoratu galdu ezinezko zita duzuela asteartean gaueko 21:30etatik aurrera, FMko 99.3an. Eta Zarautzen ez bazaudete internet bidez ere entzun dezakezuela HEMEN klik eginaz.

Podcast: Play in new window | Download

Posted in Berriak, Irratsaioak | No Comments »

Yakuzi eta Bloodseekersen kontzertua Putzuzulon

2 martxoa, 2011

Bi talde interesgarri ikusteko aukera egongo da Putzuzuloko oholtzan. Martxoaren 4ean, ostiralean, Elorrixoko Yakuzi eta Hondarribiko Bloodseekers Punk Rockeroak izango ditugu gaueko 22:00etatik aurrera.

Posted in Berriak, Kontzertuak | No Comments »

Entzun Phil Vaneren inguruan eginiko irratsaioa

2 martxoa, 2011

Atzoko ZarataZarautz irratsaioan, Phil Vaneren inguruan jardun ginen. Bertan, Extreme Noise Terrorren diskografiari errepaso txiki bat eman genion. Saioaren bukaeran berriz, azken nobedade batzuk entzuteko aukera ere izan genuen.

Irratsaioa entzun nahi baduzue, HEMEN duzue. Playlista berriz HEMEN.

Podcast: Play in new window | Download

Posted in Berriak, Irratsaioak | No Comments »

Phil Vane ekarriko dugu gogora ZarataZarautz irratsaioan

28 otsaila, 2011

Aste honetako astearte zaratatsuan, Extreme Noise Terror taldeko Phil Vane ekarriko dugu gogora. Bidean gelditu zaigun kantariaren ibilbideari errepasoa egingo diogu. Honez gain, azken aldian lortu ditugun nobedadeak ere entzungai izango dituzue, Gobierno Militar, Ruleta Rusa edota Belgrado bezala taldeak entzun ahalko dira.

Gogoratu zita zaratatsu bat duzuela astearte honetan 21:30etatik aurrera. Eta Zarautzen ez bazaudete internet bidez ere entzun dezakezuela HEMEN klik eginaz.

Posted in Berriak, Humilitate, Irratsaioak, Metralleta | No Comments »

Astebukaerako Zarauzko taldeen kontzertu sorta

25 otsaila, 2011

Beste astebukaera luze bat dator Zarauzko zarata talde askorentzat. Esate baterako, Amurrioko La Kuadra etxean ospatuko den DefenestreFest jaialdian, Metralleta, Diskoiraa eta Humilitate taldeak joko dute. Metralletako lagunak, ostiralean (alegia gaur) jardungo dira eta Diskoiraa eta Humititatekoak berriz larunbatean. Bertan, penintsulako beste 20 bat taldek ere joko dute.

Igandean berriz, Moganbo aretora joateko txanda izango da. Bertan, Dictadura taldeak joko du eta State Poison Frantziarrekin eta Ali Agca, Bartzelonan finkaturik dauden Poloniarrekin.