Astebukaera hau ere kontzertuz beterik dator Zarauzko taldeentzat.  Gaur ostirala, Uztailaren 9ean bi kontzertu izango dituzue.

Lehena Mogambo aretoan izango da. Bertan, Erantzun eta Burux Lee taldeak ibiliko dira Bostonetik biran datorren Ramming Speed taldearekin batera. Kontzertua gainera, Donostiako lagun batzuek beraien entsegu/grabaketa lokalarekin dituzten gastuak ordaintzeko izango da.

Gaurko beste kontzertua Amurrioko La Kuadra etxean izango da. Bertan Inor ez, Despeñaperros eta Ametsgaizto taldeek joko dute.

Europar birako azken kontzertua eskainiko dute gurean Freaknationek. Igande honetan 20:30etan!!
GRINDCORE eta HARDCORE erakustaldia!!!

Kontzertu zaratatsu interesgarri bat izango dugu Zarauzko Putzuzulo Gaztetxean, Uztailaren 7an, asteazkenean. Bertan, Italiati Europar biran datozen NIS crust taldeak joko du. Beraiekin batera, Bilbokoak diren Despeñaperros taldeak ere joko du.

Gogoratu nahi dugu, aste barruko kontzertuek 23:00etarako amaiturik egon behar dutela eta beraz, puntual azaltzea eskertuko da.

Erantzun taldeak, Amurrioko La Kuadra etxean joko du Uztailaren 1ean, ostegunean.

Beraiekin batera, Europar birari amaiera emango dioten Ursus Galiziarrek ere joko dute. Gogoratzen bazarete, Zarauzko Arrano tabernan eman zuen birako lehen kontzertua Crust talde honek.

Kontzertu itzel baten berri eman behar dizuegu. Ekainaren 18an, ostiralean eta gaueko 22:30etatik aurrera hardcore kontzertu mundial bat edukiko dugu Putzuzulo Gaztetxean. Bertan, 30% Andoaindar talde mitikoak joko du. Andoaingo Gaztetxearen urteurrenerako elkartu ziren berriz ere eta orain Zarautzen izango ditugu. Beraiekin batera, Zarauztarrak diren Burux Lee eta Dirtaa taldeek joko dute.

Kontzertuz beteriko astebukaera dugu Putzuzulon beste behin ere. Hiru egunetan zehar II. Copri Fest jaialdia ospatuko da Gaztetxean. Iker Venereal zenaren omenez burutzen den jaialdia da hau eta hiru egun hauetan talde hauek joko dute:

Osteguna, Ekainaren 10ean eta 20:30etan:

MADELEINE (Donostia)
COHEN (Urnieta)
BOUGWOULE (Poitiers)

Ostirala, Ekainaren 11ean eta 22:00etan:

VACIO(Punk gordina Bilboti)
PELIGRO DE MUERTE(D-Beata Izar Beltz ateneotik)
SUB-RATS(Gitarra eta bateriarekin eginiko Grind Crust bortitza Portugaletetik)
INZESTO(Horror Punka Sodupetik)

Larunbata, Ekainaren 12an eta 21:00etan:

WILD DÖGS(Emakume ahotsez eginiko Hardcore azkarra Madrildik)
ULTIMA NEURONA(Punk doinuak Udondotik)
J.A.N.(Hardcore klasikoa Alonsotegitik)
DISTURBANCE PROJECT(Grindcore Brutala Madrildik)
SENE(Punk-Crusta Holandatik)

Larunbatean gainera, Middle Finger Response fanzine Madrildarraren aurkezpena egongo da eta kontzertuan bertan lortu ahalko da.

Kontzertu benetan interesgarria dugu gaur, ostirala, Ekainaren 5ean Zarauzko Arrano tabernan. Oraingo honetan URSUS (Galizia) eta KARKABA (Azpeitia) ikusteko aukera ezin hobea izango dugu.

Galiziarrak gainera, Europan hastera doazen biraren lehen kontzertua eskeintzera datoz. Punk doinu narratzak gureganatzeko prest etorriko dira beraz.

Eta Arroan bizi diren Azpeitiarrak ere beraien akorde azkar eta zuzenak aurpegiratzeko gogoz daudela jakinda, ziur gaude sekulako anbientea sortuko dutela. Kontzertua, gaueko 22:30etan hasiko da.

Maiatzaren 31ean, astelehenean eta gaueko 21:30etatik aurrera, Total Abuse talde Estatubatuarrak ikusteko aukera egongo da Putzuzulon. 80. hamarkadako hardcore musika egiten duen taldea da honakoa eta Euskal Herrian emango duten kontzertu bakarra izango da Zarauzkoa.

Beraiekin batera, Lasartekoak diren Keep Diggin taldeak joko du. Hardcore punk azkarra burutzen dute hauek eta beste behin ere izan ditugu Zarauzko Gaztetxean.

Dirtaa taldeak Mogambo aretoan joko du ostegun honetan Maiatzaren 27an. Beraiekin batera, biran dabiltzan One Starving Day talde Italiarrak joko du, gaueko 21:00etatik aurrera.

Ba hoixe!!!

Arraio Irratiak 4 urte beteko ditu Maiatzaren 20an. Batzuk oraindik gogoan dugu egun horretan FMrako saltua egin genuenean, Gaizkiñeren abesti batekin. 4 urte igaro dira iada eta behar den bezala ospatuko dugu guk, merezi dugulako.

4 eguneko egitarautxoa antolatu dugu, Maiatzaren 19tik 22ra. Egun horretan zer egongo den jakin nahi baduzue klikatu ezazue HEMEN.

Baina zaratazaleok egun berezi bat dugu markatua gure egutegian, Maiatzaren 21ekoa, ostiralekoa. Egun horretan, lagun asko elkartzea espero dugu, urte batzutan jo gabe egon diren herriko bi talde ikusteko, Txixaparrazta eta Zülo. Azkenean Kamikazeko lagunek ez dute joko, denbora faltaren ondorioz ez jotzea erabaki dute eta. Hala ere, seme alabak etxean utzi eta barra ondoan ikustea espero ditugu. Eta gaua borobiltzeko, Belgikatik datorren The Link taldea ere izango dugu gurean. Crust epikoa egiten dute hauek, emakume ahotsez.

Besterik gabe, egun hauetan Putzuzulora etortzera gonbidatzen zaituztegu, gu behintzat han izango gara.